أطخ   للذلّه   لا  لا    ونهه سلهه

ولانی   ترف  وأرضخ  ونهس لهه

روحی إلشیب ضرهه ونهه سلهه

تحن  للی   إندفن   ما  رد علیّه

...

إلإذن  ضایع  دواها  وش لفاها

إبصغر سنّی  إشبلاها وش لفاها

أظن  ضیمی   رماها  وش لفاها

قدت ما  تسمع  إلصاح  إبردیّه

...

إلنوایب عندی أحس دوّنن ورخن

إو بلنّی إو شدّدنی  إبعلن  ورخن

إعیونی إدموعهن  ما هدن ورخن

إبدم یجرن علی إلراح   إمن إدیّه

...

هضمنی إلچنت أحس بیه إخو لوخات

إو   رک   بعصابی   لاخ  إلصبر لوخات

یریته   مات   جسمه   إبگبر  لوخات

ولا   أشوفه    عدل    یمغث    علیّه

...

إلدّنیا إویای أحس خومرت وشلت

مطرهه   ما   یبلل    گعد   وشلت

لمّت   گومهه  إو  گوطرت   وشلت

إبعدت لا  لفت  روحه  إبلیّه جیّه

...

جزیتک لا یهمنی أنطلب لادین

إو ما کضّک عهد  لا قسم لادین

بگیت إبلا  فکر لا  گلب  لادین

عفتنی إبیا  ذنب  و  إتعیل بیّه

...

أطلبت منّی أنسل إزلوفک وحنّیت

إبعوزک  ما  جبت  ناگص  وحنّیت

إعلی شانک ما نمت  لیلی  وحنّیت

تنفّهت    إو  گمت   تلعب   علیّه

...

إخوی   أتنومس   إبجاله وصیته

إبضیجی إو ما لزم سیفه وصیته

إبوی    إلحید   نکراهه   وصیته

إبغیابه إو  گام   یتمرجل   علیّه

...

إخوک إلما  وگف  بإلضیج یربه

إبعوزه  و  إهتم   إتعنّاه  یربه

إذا شفته لزج   بإلطمع   یربه

إغسل إیدک منّه یوم إلموزّمیّه

...

إخوک إلدار  وجهه  إو  فات مارد

غریب  أحسبّک وآسف صبح مارد

یجیبه  إلوکت   لو   عطشان مارد

سگیته   إبدمعت  إعیونک  شفیّه

...

إلیزرع طیب و إیعالج کبر بیه

إلیغث إلحید  بخوانه   کبر بیه

إلإخوا لو   یحترم  خیّه کبر بیه

تذمّه  إعیاله   إلیغث بإلخویّه

...

إبحیاتک   صیر   طیّب   ذات ولماس

إحتذر کلمن نصب لک  شبک ولماس

وزّن     روحک     إگرامات    ولماس

إلنگّص    قیمتک    سومه    إبشریّه

...

إفراگه إو شعل   دلّالی  یمرلی

عزیز إو غالی  إو حالی یمرلی

أگول إلیوم ها   باچر   یمرلی

ثلاث إسنین طافن  هیچ إلیّه

...

عشت ضگت إلمرار إصغار وکبر

إو تتهمنی إبمصایب  عبث وکبر

صحت ظالمنی  حیل  أللّه  وکبر

إستمع سالفتی بس لتحود بیّه

...

تشب   نارک   علی   هاوی   وداری

إو قصدک  تخلع   أشجاری  وداری

أرضی  ملکی   إو    عرضی   وداری

إلیساوم  بل عرض  لعنه إعلی إبیّه

حشیء إلسامع

...

ثنیتی معرض  إبعینی  وخلهه

أزهرهه إو ما أفارجهه وخلهه

فلا  تزعم   أعوفنهه   وخلهه

عدل لو میت  إم إتکون إلیّه

...

إنجرح گلبی و أضمده  إبصبر ونشال

هبطت إو گمت أناسی  إبعبر ونشال

أدوّر   عل   صدیق    إلوفی   ونشال

جفانی   إو   ذکریاته    إتعن   علیّه

...

تعلّم   گلبی   عل   نهتات   علون

إو صعد نسیانی  مثل إلجبل علون

عرفنی  إو  ما  عرفته  إستاد علون

عیدی  إلیوم  شفته  إو  عاد  إلیّه

...

غدر   بینه   إلوکت  طشنه   وفرنه

إو گعدنه إبضیمنه إو  حشنه وفرنه

یسکّتنه     إبصبر      نلهم     وفرنه

إو   یچمّلنه   قهر    لوم   إو  أذیّه

...

إلگلب حگّه یون عل  شال  بل غاب

لأن شاف إصور إلبیه   وفه  بل قاب

إلبیه غیره  إو حمیّه إنعرف بل قاب

یسمّونه     بطل     حامی     إلثنیّه

...

إلدّنیا   أشتم   أذاها  ونهداهه

إو سبه روحی  إلهواها ونهداهه

إلزمن ضکهه إبسفاها  ونهداهه

یمص بیهه إو یتریع  ضیم  إلیّه

...

إلضغط و إلهم یضاعف علی شبنی

أطفّی   إبناری    بإلنهتات    شبنی

یگولولی   إجعل    لک   ستر شبنی

یطیح   إلحایط    إبطوب     إلمنیّه

...

إیتناگد   جسمی  بیه   ألام  شَدهن

إو بیّه إجروح  گلبی  إردود  شدهن

یقلمی إکتب أحلامی أطربن شدهن

إحمدهن  بلکت   إیغزرن بإلأجناب

...

گلبی إنحصر طوره إو یجر علوانی

إمنظّم  رنینه   إو  منحدر علوانی

مانی نصیص  إو   مستمر  علوانی

خلّه  إلوکت   مهما   یرید   إیدمّر

...

حسّانی   آنی  إو   کنیتی    من یدّی

أطیب  إلجرح   مهما   کبر   من یدّی

ضیم   إلّفانی   من   هلی   من یدّی

ساذج لگونی إو صدقی شات إمبحثر

...

ساذج لگونی إو شاهدوا  ماشی  إلحال

أشکی إبهمومی إو  صیّحوا  لا   بل بال

إبعلمی إو نهونی إو کرّروا عوفه إلعال

بل   سجن   ذبّوا   سلوتی   إو   أتستّر

...

ما   أطیع   للذلّه   أبد    لا هیهات

گالوا أولاده بل سجن  کیش إو مات

أسلّم إلباطل و  أنا سیف  إلصعبات

مانی ذلیل   إبضیج   ربعی   أتعذّر

...

جرّیت سیفی إبکل حرب ودّونی

إنیاب إلتضحوچ بل کذب ودّونی

یغلط  علی  گام   إلنذل   ودّونی

أمّیّه   حگهم  ما   گرونی  إمثمّر

...

إمّیّه   حگهم  و إلکذب  بیت إلهم

عدهم إلعطسه أکبر خطر بیت إلهم

گلبی إبتوالی إللیل جر بیت إلهم

یا ربّی   وعّیهم   دعایی  إمحسّر

...

لو أبقی  یمهم  أدری أنا أتسودن

ملّیت من ربعی إو بعد ما أعودن

لا  شبر  أنگص   بإلوعد    لازودن

قرّرت أبعد  و  إبطریجی  إمحذّر

...

قرّرت  أبعد  و  أجتنب  طاریهم

و أگطع طریجه   منّی  إلیواسیهم

گلبی   أشعله   إبنار  لو مر بیهم

عایش إبغربه إو مبتعد من إلشر

...

عایش إبغربه إو گلبی  مرتاح إهوای

سهران  لیلی  و إلمحب  یمّی إحذای

لو جرح طگنی  مستعد  هوّه إدوای

کاشخ   إبچفّیتی  إو   ثوبی   إمعطّر

...

إلعذّبنی أشکره إو فوگه أکرمه إبعینی

لو   ما   عذابه   إلشعر    ما   یلفینی

کض   إنتقامه   إلماوصل  لی   إبزینی

یوم إعلی یوم أترقّه   وهوه    إمدمّر

...

إشمالک إطمیعی إو بإلذنوب  إو تلهم

إلدّنیا   یومین   إو   تموت   إو    تنطم

لا تظلم  إعیال    إللّه   تالی   إو تندم

إبوکت إلحساب إشتنطی و أنت إمعذّر

...

ودّیت  إلک  مکتوب  شوف أخباره

ناسینی لیش  إو  گلبی داوی  إبناره

عاجل إو مرنی إویاک عندی  إبشاره

خطّاب  إجیتک  عن  قریب  إتحضّر

...

حبّک  مرد  گلبی  إو  جرح دلّالی

أخبرک إو بس أللّه إلیدری إبحالی

أنت مهجتی إو  ضنوتی  و أمالی

دونک فلا أریدن  حبیب  إمعطّر

...

أحّاه   یا    شوگک    إلأثّر   بیّه

حارمنی  من نومی إعتقد  لیلیّه

بأخر خبر و أرسل   إلک  تهنیّه

جدّام عینی دوم أشوفک تظهر

...

یا   دار   وین  أهلچ   جفو حاچینی

لیش   أبعدوا وحدی أون و إمخلّینی

أظن   إلتهوا   من   قادروا   ناسینی

مرّضنی  حبهم  بإلمحاری   إمن  أفتر

...

یا دار وین  أرحلوا   وین   إمحملین

وین إلبیوت إو وین  أهلهه إلطیبین

وین ألتقی بیهم إو  وین  إمسیرین

ما   أگدر   أنساهم  إبحبهم و أنسر

...

أدوّر  علیهم     بإلمدن     وإلودیان

إبحر إلرمل حافی أسیر إو عطشان

طول إلدرب أنشد  و أخبر  إلرعیان

مچمن  صهاویهم   لچحته إمصطّر

...

جاسم ثعلبی ألحسّانی 30/04/1401

یاما   عذّبنی   هواهم    یاملونی

یاما  حطّمنی   إبدلیلی   یاملونی

یاما  وعدونی  إبوعدهم یاملونی

و أنا محتار إبعشگهم هذا حالی

...

إن کان عندک عتب دش گلبی و أحچیلک

لو شفت   جرحی  یخر  چا  ما نمت لیلک

إتمنّیت   عندک   وفه   إتعازینی  بعیونک

چا   أبد   ما   قصّرت   ویّه     إلیحبّونک

...

مرّه شب  نار إبدلیلی مرّه عانی

مرّه أفکّر له  إبرحیلی مرّه عانی

مرّه  فرحان  إبخیالی  مرّه عانی

مرّه وحده إو خبّل إلروح إلأبیّه

...

یاما تابعنی إبطریجی یاماشرنی

یاما مر بیّه   إبعذابه  یاماشرنی

یاما غسّلنی  إبعتابه  یاماشرنی

یاما أعذرنّه  إبدلاله إلعال بیّه

...

ملّیت من  إلربع  من  إلربع   ملّیت

تعبونی  و إتألّمت و  إتألّمت تعبیت

ذلّونی ما قصّروا  ما   قصّروا   ذلّیت

حنّیت أدوّر علی إلبیهم وفه حنّیت

...

سافر ضعنهم  هلی و  أبعد  علیّه  إبعید

بإلدار  وحدی و  أون  إلمن   أمر  بإلعید

ما أرید ضحچت فرح غیر إلولف  مارید

لبسیت ثوب إلحزن إمگدّر علی و إیبید

...

یا دهری بس لا ترک ظالمنی کافی إعتاب

إمحیّرنی ما هوّدت إو  گلبی إبمرار إنعاب

ظلّیت أحن و أنتحب لا  غربه  لا أحباب

لا وین أنوّی إو أدگ  سدّوا  علیّه  إلباب

...

یوسف صفیت إخوتی عافونی  وسط إلبیر

إحباب  إلأودهم   جفوا  ترکونی   للتقدیر

مکتوبه  یوم   إلصرت   سالفتی   بإلتفسیر

فاتانی   کل    إلعمر   خلّصته     بإلتفکیر

...

إتهدّه یحادی إلضعن ولفی أرد أکلمنّه

ما ودّعانی إو   رحل  بس ردت أشوفنّه

عایش  إبگلبی   عمر  ما   أترکه  أحبّنّه

عطشان  ما   أفارجه   بعیونه   أشمّنّه

...

یا عینی کافی إلبچی  کافی إلسهر و إلنوح

شال إلحبیب إو بعد إبحبّه  إلگلب مجروح

غالی مسومه إبذهب و أفدیله حتّی إلروح

و إبذکریاته أحترگ  و إعلی إلسدر مطروح

...

ملّیت   ما   بیّه   أون   گلبی  إشتعل  بیه نار

شال  إلحبیب   إو   بعد   بس  إلصور  بإلدار

إنهدم حیلی إو طحت شفت إلضعن من سار

یصعب  إفراگه   علی  إچّندوب  أحن محتار

...

ولفی إو  أحبّه  إو  ردت  یحضرنی چتّالی

إبتابوتی   من    ینحمل    یبرالی   إلغالی

و إدموعه ما بطّلن  حاله أخس من حالی

أهواه و أحس بیه نفس من أوّل إو تالی

...

إبلمت إلأهل و إلشامت نخاوی

إلیحن گلبه إو خشی ربّه نخاوی

عدیمه إلخوّه لو  صارت  نخاوی

إخو إلبیه غیره  یفزع گبل أخیّه

...

أحن  للخوّه  عندی  إهموم بیدر

إو گلبی إبسلف کلّه أحباب بیدر

بعضهم  فضّه  بعض  ألماس بیدر

إو بعضهم صبخه  تربان   إلبریّه

...

تحب  لو  ما  تحب  بإلرای   بألبای

إنتظرتک بس تعیش إحذای بألبای

مکانک  جاهز  أنت   إویای بألبای

متی  ما    شئت   نتعاشر    سویّه

...

گلبی   إنترس   شابع     قهر    و أبلانی

راکبنی   و  أحبی      بإلسهر    وأبلانی

غسّلنی   و   أفرکنی    إبنهر     وأبلانی

إو شرنی إعلی شوک إلهسّه بعده إمدثّر

...

إلیجرّدنی أو یدگنی إبعصاء ماش أنا

و  إلّی    یخل   إبعشرتی     ماش أنا

أبعد  ولا    أریدن   أهل     ماش أنا

و أسکن   دیار   إلغربه  بیهه   أتگزّر

...

ودّیت   لک   بوسه     إبحلم    شافیهه

إو    روحی   نهیله    إتعنّتک    شافیهه

حبّک  لدغهه   إو   دش   غفل  شافیهه

إتزوهر إعلی إلغالی إعلی بابه إمن إتمر

...

گلبک شفانی إو بیه عشت دلّانی

و إعلی إلمحبّه   و  إلعشگ دلّانی

تشرب إمّیتی   و أنگطف   دلّانی

إو ترجع  تذمنی و أنا بیک إمعیّر

...

طیّرنی    حبّک      للنجم    ودّانی

و أدری إبگلبک  من  صدگ  ودّانی

إتحسّدنه   کلمن   بیه   فتن  ودّانی

إو کل مدّه واحد من ذنوبه إمگنطر

...

دگ دگّتین إرداف  گلبی إو شفتک

باسک إبوجناتک  إبعین إو شفتک

لتگلّی ما نوصل  إبحبنه  إو شفتک

أنت  إلوحید  إببطن  گلبی  إمدثّر

...

مرمرنی إبو إعیون إلخضر مرمرنی

یمطر  عطر  مثل   إلبدر مرمرنی

ما ینکسر  گلبه   صخر   مرمرنی

خبّلنی   طوله  و  إبثیابه إمشمّر

...

ولفی عزیز إو  بإلگلب ماعوفه

إیموّتنی  من یفتح علیّه إزلوفه

زاید   علیّه   لو   بذل  معروفه

حوریّه طالع   بإلزهور   إمعطّر

...

حبّیتک إو ما  أظن  بعد تنسانی

و إلّی  هویته   إشلون  مایهوانی

إکشف إگلیبک تلگه بیه عنوانی

شاهدنی بیه  نایم إبحبّه إمخدّر

...

یگلبی   إتحذّر   إمن   إلجاک ویّاک

إبلطافه إیسایس إو لو ضحک ویّاک

تری  لو  بیده   هوّه   إبنار    ویّاک

إو یدوّیک إو یطگ چیلاته  بإلباب

...

یگلبی إشما  عزت  بإلفرح ولعاب

إنتصرت  إو  سیّد  إلمیدان  ولعاب

صنعت إهمومک أنا دمه و لعاب

إیتمرجح  بیهن  إلشامت   هدیّه

...

خیط إجروحک  إبمیبرک وألضم

إلوارط ما یفیده  إلصبر  وألضم

روحک لو لفاهه  إلفکر ولضم

إغسلهه إبرکعه وی سید إلبریّه

...

هاتِف   صیح   للهانک    بذانک

إو طهّر   گلبک  إلسانک   بذانک

کافح   غِیر     بإیمانک    بذانک

إبثوره إو خل جمیع أهلک تچیّه

...

ولفی   کرمنی    ما   بخل حسّانی

واعی  إبحبّه  إمن  إلصغر حسّانی

یعرفنی    طبعاً   بإلأصل  حسّانی

إوگف إبحگّه إلکل صدیق إمدمّر

...

ولفی  زهدنی  إو  بإلشعر  مسّانی

إتگرّب لی  بزنی   بإللفظ   مسّانی

إبجدره إو حرگنی  إتبریدت مسّانی

إیخوط  بیّه  إو  دار  بیّه    إمدوّر

...

واعدنی ولفی إبصوره إلی إیودّیهه

بأگرب  وکت   یرسمهه  و إیحلّیهه

روحی إعلی موده  حایره إیداویهه

صار  إلصبح  و  أنتظره  لاکن مامر

...

گلّی أعتذر صوره إلک ما ودّیت

ماکو وکت  ملتهی  بعیال إلبیت

إلهم صبر  بعد   إلتمر  لو حنّیت

إفتهمیته کذّاب إو  علیّه إمدستر

...

بس ردت أجربه  ما  ردت   تصویره

إمحیّل إو تدری إبحیلته أهل إلدیره

حلمان  بیه   إو   ضیّعت    تفسیره

لابس  کشف  دوم  إلدهر و إمحمّر

...

لابس کشف و  إزنوده سود إیلمعن

خل إلحبایب   بإلمصیبه    إیسمعن

هندس حلاته إعیونه بیض إیشمعن

چن قطّه سوده إبکل ضریبه إمحذّر

...

چن قطّه سوده إمدوّرات إعیونه

إمرفدن إو یسهچ بإلأکل   ماعونه

یلهم لهم  و  إمکسّرات   إسنونه

دخّانه یعمی  بإلنعاوی    إمخدّر

...

دخّانه یعمی  إو نفع ما یاجد بیه

وین ألگه  مکیاج  إبصبغ و إنحلّیه

ریت إبّطن کومت حطب و ندوّیه

و إنفوخ منّه إمن إلطلایب و إلشر

...

غارگ و أفت بإلضیم بإلهم و أعاید

و إلگلب  لو  ملچوم  یکتب گصاید

...

بیّه  إلشعر   ولهان   یبرد   و  أدفّیه

بیت إو سبع بیبان یا باب أدش لیه

...

إلما أودّه طوفه إعلیه لا یگعد إحذای

حیف   إلأکرمه   إنّوب  یتعاده ویّای

...

مشعل إو داوی إبنار یسعر و أطفّیه

جرح إلگلب  مفتوگ  چا بیش أداویه

...

سیفک إلبیمناک من یعمه سنّه

إلمنّک  إو بیک  إشلون تتبرا منّه

...

إلمات  إو  شجاع  إتروح ویّاه تمنّه

ما تنسه  یوم إلزین و إلبیه محنّه

...

کض إلرسن و إخفیه إلسانک حصانک

إلصنته  صان  إویاک  و   إلهنته هانک

...

إلزلمه وکت  إلضیج  ماکو حصانه

و إلبیه محنّه إو طیب یکبر بذانه

...

تاج إعلی راسی  إلزین و إبگلبی ذایب

شد حیلک إویه إلنّاس و إعمل عجایب

...

خاین طلعت إحذای لا تنکر إربای

ربّیتک  إربه  إلطیر  ما توفی ویّای

...

إلبیه شر یَهدم إلطیب بس حامل إذنوب

بیده إلمگص و  إلحای  سلّمته  ما  أتوب

...

طبت إلجرح للگوم  یشفی إبعزمهه

تحترمک  أنت  إلنّاس  لو    تحترمهه

...

إمتحنیته إلختّال بإلطگ تجرّد

خاویته  إلبد   ذات لاکن تمرّد

...

جرح إلگلب ما طاب بس ولفی یشفیه

لو غاب  عنّی  إسنین  من هو إلیداویه

...

إلزامطلی بإلصعبات فص خاتم إو ضاع

ودعته  کل  من خان إو  دفنیته بإلگاع

...

إلیوم  إلحلو  عندی إو حیل ما بیّه

مرمرنی    إلبعد    لا    وین   تالیّه

ذکرت  إلبیه محنّه إو طیب منسیته

یستاهل  إحمده   إو   حیل خاویته

إببطن  گلبی   إذا    بردان    دفّیته

و أظل   سهران    إفکّر   بیه   لیلیّه

...

أظل   سهران   أفکّر   بیه     ماجانی

إمتانیه   و   أنتحب   بإللیل   خلّانی

جفانی إو راح ما رد ذب  علی ضیمه

إمتانی  و   أنتظر  جاعد  له بإلهیمه

تعبان   إو   برد    یمطر   علی غیمه

إمدلّع  من   یمر   کاشف     إلترچیّه

...

إمدلّع  من  یمر   ما  یرحم إبحالی

یدری إبضیم  گلبی إو صبح  چتّالی

لابس   بنطلون  إو  یمزح  إبممشاه

یفر   بإلفنّه  یمی   آه    وا    ویلاه

شنصی إلّی  إلی جابه  إو علی دلّاه

یغنّی  إیدگ  عزف  بطوار  چوبیّه

...

جاسم ثعلبی ألحسّانی 24/04/1401

صحت أحبّک حیل أحبّک ، و أنت ما تسمع کلام

ما   نسیتک   یا  حبیبی ، جیت  أبیّن  لک  غرام

وینک   إو   أنا   إبأذیّه ،  ناری  إلبگلبی   خفیّه

و أنت   ما  تسئل  علیّه ، منحرم    من    إلمنام

...

حبنه معروف إبصداقه ، مو دغش بیه لا نظیف

إیشوّر إو ما بیه خیانه ، إبشوگنه  إیحاور لطیف

إحساسنه  مالی  أملنه ، إو  بأسنه  إینوّم  زعلنه

و إلفراگ  إلّی  کتلنه ، إبجیتک   أفرح  یا سلام

...

إشویّه  هوّد  لا   تجافی ، خلنی  مرتاح   إبهواک

گلبی إنطر  من عذابک ، جرحی  محتاج  إلدوّاک

ما نمت لیلی إعلی مودک ، کمّل  إبحبّک وجودک

إتهنّه  لا  تعبر  حدودک  ،  إتزوّر   أحلام  إبلثام

...

أنت نجمه إبعینی تزهی ، ما شفت غیرک محال

گلّی لیش أبعدت  عنّی ، بس  أشوفک  بإلخیال

حسره و إبدلّالی شبّت ، علی نار إو جمر ذبّت

دوت و إشتعلت إو هبّت ، أظن  حسرة إنتقام

...

جاسم ثعلبی ألحسّانی 23/04/1401

رحل منّی   إلأودّه  إو  بعد  منعاد

بألف علّه   تهمنی   إو ترک منعاد

مو مسلم و أظن  ینتسب   منعاد

نکر طیبی إو محبتی إو فتک بیّه

...

کتب مکتوب ولفی إو صاح من صاح

سر و إنکشف  یم   أجناب  من صاح

فضحنی إبحبّه شاع إو  ذاع  من صاح

إو قدت  کلفه   إلطلابه   إبکل نویّه

...

بلع  بیّه   إلوعدنی   إبفرح  بلعین

إو ختلنی إو گام یرمی  إسهام بلعین

یحضّی  إتخوتل إنت  إشبیک بلعین

إلدهر  ظالمنی  و   أنت  إتحود بیّه

...

مریض إو غاسی ولفی مره ثوبه

مرّه   إیصیر     نجمه   مرّه ثوبه

مرّه  إیگص   گذلته   مرّه   ثوبه

إو مرّه هچع یمشی إیعیل بیّه

...

صباح   إلخیر  و  أردف من أمسکم

إو عسی کل تعب یرحل من أمسکم

أندعی و  إلیوم  أفضل  من أمسکم

إلسعاده  و  إلفرح   یلفن     سویّه

...

أفر بیک إبشطر  شوگک وعیدک

و أنبهک  لیش   ما تذکر وعیدک

مر بیّه إبتسم و  إضحک وعیدک

إلعید إویاک  من   نگعد  سویّه

...

إبعسر  و  إبیسر  ما  أترکک ونویاک

إو عرفتک و أعرف إطباعک ونویاک

گلبی  ما   حن    إلغیرک     ونویاک

إبضیمی إمن أون  لا   تضحک علیّه

...

أعالج   بإلگلب   مجروح  شچنی

إمن أحبابی إو رمح چتّال شچنی

یبو  فاضل  ندبتک  گوم   شچنی

إو   بیّن   شارتک   بإلعال    بیّه

...

إلگلب  حسّیته  بیه إعناد منطر

إو عندی إسناد کافی  عاد منطر

طیری  صگر   ما   ینصاد  منطر

یطوف   إلعالم  إو  یرجع  علیّه

...

إنغمد گلبی  إبألم  غامض  ولجراح

إو طبیبی إتساهل  إبعلتی ولجراح

گمت  بیدی  أشل حملی  ولجراح

إلعدوا  بل  ساحه  یتمزهد  خفیّه

...

ها عنّی أنشدَت ها إجت هامت

إو حبنه  منتهه   منگطع  هامت

إلیضدنه ها عجز ها  غزر هامت

إو خذه إذنوبه  معاه  إلبیه أذیّه

...

ها یمشی هچع  ها  دلع  ها مر

ها گلبی إنجرح ها  سرح ها مر

ها   حبّه  شهد  ها  قند  ها مر

ها  ما  ظن  بعد  ها  در  علیّه

...

ها یمطر غضب ها لهب ها عای

ها جانی یهف ها  وصل  ها عای

ها گلبه ذهب ها خشب ها عای

ها  کیفه  یحن  ها   فتک   بیّه

...

مرّه   إیشع   جماله  مرّعیده

مرّه    أقبل   کلامه   مرّعیده

مرّه   إیغث  سلامه  مرّعیده

إو مرّه إیروح ما ینشد علیّه

...

ها عینی أهملت ها بچت هاجت

ها لیله أنشدَت  ها لفت   هاجت

ها ثمره أصبحت  ها  نهت هاجت

ها  عاگوله  ها و   أقبلهه    إلیّه

...

شی  یاکل  قهر  شی  بَرد   شی حار

شی قاضی صفه شی  خفی شی حار

شی  نجمة  ثلج شی  سعد شی حار

شی   إبغربه   شی  عاش   إبهویّه

...

شی طمعة   فتن  شی  صلح  شی خل

شی طبعه  ذهب  شی عسل شی خل

شی شاخ  إبزلم  شی  صنم    شی خل

إو شی  مدمن إو شی حامی إلحمیّه

...

شی  ناکر  هله   شی  بلا   شی دار

شی طبعه بصل  شی فصم شی دار

شی  تشری  تفگ  شی زلم شی دار

إو شی تستر إو شی تسبی إلخویّه

...

شی تحمل فکر شی خبث شی سر

شی إسمه رجل شی یهس شی سر

شی ینضخ جُبن شی  یحن شی سر

إو شی  کومة  ملح  شی فید إلیّه

...

مرّه أشتل شجر لو  ورد  بألهام

مرّه أدرس فکر لو  ذکر  بألهام

مرّه أکل قهر من  فطر  بألهام

إو مرّه أحتام مرّه أصفج بدیّه

...

شی مرمر  صخر  مندهش شی طن

شی ما  یعرف إلّی  إلفتن  شی طن

شی شایل حمل نص  ربع شی طن

إو شی تحکم إو شی ترعی إلرعیّه

...

شی  یصلح  یلم  بإلزلم  شی هاد

شی مجنون یفرس فرس شی هاد

شی یخبص یبث  بإلفتن شی هاد

إو شی  ناطور و  إیصون  إلهویّه

...

شی حاط  إو  ثجیل  إلوزن شیطر

شی جرحه إبأمل  ینطبگ شی طر

شی حامل حقد  بإلگلب شی طر

إو  شی  منفتح  ما یکتم وصیّه

...

نوبه یشکی  همّه  إو نوبه حلّه

نوبه   إیدر  إلشیبی  نوبه  حلّه

نوبه إیفک لی  زیجه نوبه حلّه

إو نوبه  إعیونه  تتلامض  علیّه

...

جاسم ثعلبی ألحسّانی 16/04/1401

شتّت ضعاین هلی إو  صارت  مچبیه إلدار

إبللیل إو علیّه إبعدوا ظل گلبی داوی إبنار

...

جرّیت طوری  إبحزن  بیهم عزیز إلروح

گلبی إنفجر یا خلگ من إلبچی و إلنوح

...

صیّحت محد سمع صوتی إو یهدّینی

وین أصبحوا من  جفوا  لیهم یدلینی

...

ولفی   رکب  ناگته  إو یشّرلی رحلینه

عألخد نهر ظل یصب ینزل دمع عینه

...

سار   إلضعن   و   إبتعد  بعیونه  یبرالی

نیران گلبه أوجرت حاله أخس من حالی

...

شفته إعلی شاطی إلنهر و إتعارفّیت  إویاه

مثل   إلغزاله   یزف   یهوانی  و  أنا  أهواه

حارمنی   نوم   إلهناء  حضّی  إلعلی  ودّاه

إسمه إنرسم بإلگلب إشلون أگدر أنا أنساه

...

أشتم هواهم و أدگ  و ألطم و أرید إهوای

خزّن  علیّه   إلجرح   بس  هوّه  لیّه  إدوای

بإلدرب  واگف  و إجر  و أنشد إلرایح جای

یا ولفی شنهی إلسبب لیش أگطعت ویّای

...

یا ولفی های  إلصور چا  وین أودّیهن

ما نمت  لیلی إبحزن  یمّی إو أحاچیهن

نوبه  یبردن  علی   نوبه   أنا  أعازیهن

أدوی إبنار إو جمر لو ردت  أمر بیهن

...

شال   إلیحبّه  إلگلب  و  إبفرگته    ماجور

یا روحی ونّی إبعجل إعلیه إلگلب مطرور

راح  إو  نسانی  إو  بعد  ترکانی   إلدکتور

مذنب جفانی  إبغدر  ما أگول  أنا معذور

...

شال إلعزیز إو بعد  ما ضنتی أشوفنّه

حسره إبگلبی بگت بس ردت أشمنّه

أاخر إوداع إو جفه  بصورّه أکلمنّه

هوّه إلعگل و إلفکر بعیونه أحبّنّه

...

داوی إبنار  إو  جمر  محترگ  من شافوک

ما أدری أنت إلخنت مدری هلک منعوک

إبسحر  لو  واعدوا  من  عندی إو عزلوک

بإلقوّه  حفروا  گبر  بأسرارک  إو   دفنوک

...

یا  ولفی  دزلی  خبر  بید إلهوا إلّی جای

صوبی و أنا منتظر  عطشان و أنت إلمای

لا  تکسر   إبخاطری  خاطر  أگول إهوای

ما أود  غیرک  أبد  و أنت  إلإلی  منوای

...

ولفی   رمانی   إبسهم   حطّمنی   بعیونه

عذّبنی   یمغث   علی    شافانی   مجنونه

روحی أمحلت و أعلنت بس یمّه مسجونه

أحبّه      ولا     أفارجه   خبّلنی    بچفونه

...

حبّانی ولفی إبوعد دگ بیده یمّی إلساس

أللّه  علیه  من  قسم  خل  ینکر   إلعبّاس

ما  أجبره   یمّه  إلنظر  غیری  لگه  لابأس

لو   خربصوله   إلغزل  حوبتی  عل ندّاس

...

جاسم ثعلبی ألحسّانی 14/04/1401

أنا إمتانی إو عینی  إربیّه

بطران  إو  ما  تنشد  بیّه

حرام علیک حرام ، خذلت ألبی بإلإنتقام

و أنا فیک مشتاق

...

أفکّر  فیک  إجروحی  إیهملن

حتّی إمن أبکی إعیونی إیملّن

وینک خلّینی أسمع صوتک ، خل إبألبی إینسّم عودک

أدوی   إبناری   إبکلمة   فراق  ،   و  أنا  فیک مشتاق

...

بالک تنکرنی إتناسینی

بالک  تحقرنی إتأذّینی

ما نام إللیل إو ما أهید ، بشّرنی إبسر یوم إلعید

ما  أتحمّل  هجر  إو   نفاق ، و  أنا فیک مشتاق

...

دومک خلّینی إنا إحذالک

تهوانی إبحبّی  إو أهوالک

دفّینی   إبحضنک   یألغالی ، و  إلعشره   إبألبک  تحلالی

دونک ما أرتاح خاتم بعیونک ونصاغ ، و أنا فیک مشتاق

...

داوینی إبحلمک  داوینی

حب نابض بسمک راوینی

کمّلهه إبقرار إبزفّه و نتصار ، آه آه یا حبیبی بس طال إلإنتظار

کمل لی إلسباق ، و أنا فیک مشتاق

...

جاسم ثعلبی ألحسّانی 13/04/1401

حیران إو فکری إمأذّینی

ها  ذاکرنی  ها  ناسینی

ویّاک   إمسافر   تعبان ،  کلّمنی إشمالک خجلان

حبّیتک بس لا تنسانی ، ما ناسیک أنت إمجافینی

یا نور عینی

...

کتمیت أسرارک و أحلامک

دفنیت إصورّک و أنغامک

لو راید تروح . طیّب لی إلجروح ، بغیابک ألبی ینوح . ینوح

رایح بإلغربه إمخلّینی ، یا نور عینی

...

حبّیتک حب ما  فیه لوله

سمّعنی إبصوتک هلهوله

مشتاق إبهواک ، محتاج إلدواک

طیف إو تفتر بس إبعگلی ، إمعذّبنی إبنهتاتک تدری

بجفون إعیونک ترمینی ، یا نور عینی

...

خلّیتک    بصمه     إبدلالی

ماخذ روحی إمدهور حالی

إمدلل ما دریت ، منّک ما شکیت

لا تبعد ظل یمّی إگلاده ، و إلعاند مذموم إعناده

کلّمینی ، کلّمینی ، لا أطاق ، یا نور عینی

...

جاسم ثعلبی ألحسّانی 14/04/1401 

کسریت إلسکوت ، وی    أغلی    حبیب

إو ضمّدت إلجروح ، وی  أحلی   طبیب

یا روحی أهوالچ  یا روحی

و إبحلمچ لملمت إجروحی

نوحی للحبیب نوحی ، ما عندچ رقیب

...

أنا محتار إبحبّک عینی ، یا   حضن  إلغیر   إیدفّینی

أنت عزیزی إو ما أنساک ، و إبألبی ساکن و أهواک

لتودّعنی  إو  نارک  تلهب

عارف بیک إبألبک یلعب

لا تبعد عنّی إو لا تگرب ، أنی إبغربه و أنت غریب

...

شمّیتک   و   أنت   إبدلّالی  ،  ساهرتک   متحس    إبحالی

أهیم    بودّک   ثمَّ   أهیم  ،   و أطرب   بصوتک   ألوسیم

مشتاق  إویاک  إتحاچینی

إو بعیونک ریت إتهدّینی

إمن إتصابحنی إمن إتماسینی  ، من کل ألامی سوف أطیب

...

یا ورده إو تزهر بشفافک ، ینسه أحبابه کلمن ضافک

أنت حیاتی   و   إتسلّینی ، ما   أنساک  إو  لا ناسینی

لتفارگنی إو صعبه إلفرگه

نستانس  بأوقات   إلملگه

غیری یحبّک لا ما تلگه ، و إبألبی  إسهامک  تصیب

...

خلّینی إبشوگک خلّینی ، إو من کل ألامی داوینی

أنت نفسی أنت إلمای ، أنت نصیبی  أنت  إهوای

لو تبعد عنّی إتأذّینی

مانام   إللیل إتخلّینی

و  إبدم   إعیونی   إتحنّینی  ،  لو   عنّی   تغیب

...

مستحیل     أنساک    ،   یا     نجمه   إبسمائی

یا     شمعه    إبظلام     ،    یاطور      إبغنایی

ربّیتک     ساکن    بعیونی

إو حملیت إعتاب إلّامونی

إو غیّرت إدروب إلنشدونی ، بأعذار إو نحیب

...

إصورّک دنیا ، إو عایش بیهن

أطالعهن   ،  بیدی إمخلّیهن

إیثبتن لی إلغرام

 یرمنّی   إبسهام

و إبسدری وسام ، من گلّک نتفارگ عجیب ، عجیب

...

إرفع   رأسک  لا تتأخّر   ،   نتفارگ  لا    لا     تتصوّر

إتواعدنه و إلیخلف وعده ، و إلواعد یوگف یم حدّه

إیدی إبإیدک و إتعاشرنه

بس  إلموت إلّی إیفرّغنه

و إلشامت خلّه إیتابعنه   ،  بسمومه   متأکّد  یعیب

یعیب یا حبیبی

...

جاسم ثعلبی ألحسّانی 12/04/1401

هله  إبعریسنه  إلغالی ویومه

إویاه مجتمعه  صدقانه ویومه

إبزفته إتهلهل  أحبابه   ویومه

إبعبایتهه إو تدچ وسط إلثنیّه

...

ألف  مبروک  و  أفراح   إو   تحیّه

إلحبیب إلگلب ردت أرسل هدیّه

عرّیس    إو   یهنّون

یصفگون إو یرگصون

إلعزیز  إلروح   و   إلورده   بدیّه

...

عدهم واجبه  و  إلبیه وفه إنزار

مجتمعه إلأهل و أصحابه بإلدار

إبهلاهلهم   یبشرون

عرس عدهم یغنّون

إبملابسهم     یکسبون    إلهویّه

...

إلّبس دشداشته إو چفّیته و عگال

رفعت رأس إله یم  عمّه و إلخال

إبچفافیهم  یهوسون

یشعرون إو یندبون

إلدلال   إمصطّره   و    إلمزهریّه

...

إجینه إنزوره کلنه إو عنده خطّار

یستاهل نکرمه  إو   نرفع   إلعار

وفی إو لازم نوفّیه

نبارکله   إو  نهنّیه

عرسه إللیله إبو إلغیره إو حمیّه

...

گمر   یضوی   إو  کتم  حبّه إبغروره

إشحلاته إو لایجه إلبدله إعلی طوله

شال إلورده بیده

إبأیّامه إلسعیده

هداهه  إبوکت   صوت   إلبندقیّه

...

إلفرح قائم إو بیّن روعه إلعیون

إتهنّه   إبزفّته   أحبابه  یصفگون

أمیر إو  رافع  إوسام

واسه إلحب بإلأحلام

إبعتبة   بابهم   ذبحوا     فدیّه

...

عرّیس  إو ختم   عرسه  إبقصیده

طاف إجموع ربعه إو  سیفه بیده

گمر و إیواسی إلنجوم

ولا هو إبحبّه  مندوم

شجاع  إو  شهم    ما  یعمل ردیّه

ألف  مبروک  و  أفراح   إو   تحیّه

إلحبیب إلگلب ردت أرسل هدیّه

...

جاسم ثعلبی ألحسّانی 11/04/1401

إلوکت ضرنه إو  فتک بینه ومرنه

نطیع  أهل   إلغدر  ضکنه ومرنه

إشتهینه  إنضوگ حامضنه  ومرنه

عساها إبّحضکم  إلخنتوا  إلثنیّه

...

ملّینه إو تعبنه  إهوای  ،  وین إلصبر  تالیّه

نچمد بإلحچی  کل یوم ، متغطّی  إبمعانیّه

یربّی إفتح علینه إلباب

عبادک ندعی بإلمحراب

متی یأتی إلفرج و إنعیش ، أحرار إبموانیّه

...

إلسماء یمطر علینه إتراب ، و إلشط  یابس  إبمایه

إنتخینه إحبابنه إلصوبین ، صرخنه إو  ماکو تچّایه

نتحمّل       قهر     چندوب

إلضغط یاتینه من کل صوب

إشما ندعی إلسده مگلوب ، صحیح إلدیره منسیّه

...

سبانه  إلما  یحس  بإلعوز ، هتک   دمّر    إبدیرتنه

چنّه إملوک عدنه إقصور ، إو هسّه إبکوخ منوتنه

إلسبب چی محنه متّحدین

و إلیکبر    یطگ    بإلعین

وین   أحبابنه   إلواعین  ، أشو    کلهم     حرامیّه

...

حرامیّه إو  لفوا   للدار  ،  کلمن   یسلب  إبزوده

تصول  إتجول  بإلأطماع  ،  محّد یعرف   إحدوده

إلصدگ ضاع إو کلاه إلثور

و إلعنده  بخت   محضور

إلوصل للکرسی ذاب إو شاخ ، أطلعوا کلهم أنانیّه

...

إمبارک یا شعبنه إبهای ، إقبل   و   أنت رایدهه

إکل مر و إشرب إلمرّین ، إو ضم  للجای عایدهه

بس تعرف صداء إهزوجات

و إتبشر   إلعدل   و   إلمات

إلعادل ما  یمرنه إو شال ، إلمن   کلهه   شچّایه

...

إخذ درب إلفلاح إو سیر ، إمن إحسین إو إخذ صیتک

و إفدی إلروح  و إلماجود ، صدقانک   و  أهل   بیتک

مو بس أنت رجل إسباع

و إلبیه غیره   ما   یبتاع

إبمیدان   إلجهاد  إجنود ، تظل  تمطگ  إم   شلفایه

...

إخذ بصمه إمن إبو إلحسنین ، وینه إلقاید إنزوره

نلهم بإلصبر چندوب ، إلصبر  ما  یملک   إحروره

إحتر     لا      تظل    بردان

إو موت إبعزّه تحت إلدان

دبّر    و   إفعل   إلمریود  ،  مو  هدّه    إبرعانیّه

...

ما أفاخر ولا مطلوب ، أنت   أهوازی   إبو  إلشیمه

سبع من تخلق إعجوبات ، قطار إو تزحف  إبغیمه

ما  أگلّک   أرید   إلثار

ردت منّک تزیل إلعار

مهندس  تعمل  إبعز   دوم  ،  ترد  سوگی  إبمبانیّه

...

جاسم ثعلبی ألحسّانی 10/04/1401

یولفی   إلعارضوا    بإلشوگ    خلهم

بخت   عدنه  إو   یدمّر   ذوق خلهم

إطبگوا طعم إلعسل وی  طعم خلهم

إلهدف   معلوم    لا    نگعد  سویّه

...

أیّست منّه  إو  کثرن   أحزانی

ینطرنی ولفی إو  جاعد إمتانی

شفت  إلمحب  بیه علّه مجروح

هم  یگدر  إیفارجنه   وإیروح

و إیگلّی  لازم   یوم    تنسانی

...

إلساکن إبگلبی یصعب أنساه

یهوانی   حیل   إو   أنا أهواه

حبنه   نظیف   إو  مایریدونه

منعوه   هله    رادوا   یأذّونه

أندبه  و  أفهّم   بیه  بألحانی

...

أندبه  و   أصبّر  بیه    ممنونه

و إمن  إلبواچی  راحن إعیونه

کل   یوم    أفرحنّه   و أداویه

من  یزعل   إبّوسه   و أراضیه

أسکته و إبنار إهمومه دوّانی

...

أهله   یهود   إمضوّی    دیرتهم

ملّیت   منهم    صعبه   عشرتهم

عدهم   طلبتی  إو ما یحاچونی

من  أحچی    ویّاهم    یترکونی

حضّی إعلی هیچ أجناب ودّانی

...

یا روحی إصبری و إلعتب میفید

لو   هوّه  لو   غیره    أبد مارید

صابر  و  أظل   مجنون   بعیونه

من شفت روحی إبحبّه مرهونه

ألگفه  و  أفرّن   گلبی    وزّانی

...

ودّیت     خطّابه     یخطبونه

إبوهه إلمنع و إمخنزر إعیونه

گلهم   أوافق   قابل  أنطیهه

للّی   یحبهه     ما    أودّیهه

سالب عگلهه إو کثّر أحزانی

...

گلّی  إبتعد  لا  تخطب إبسدهم

لتودّی   مشّایه      إو     تکلّفهم

گتلک   إبنیتی  بس  إلک ممنوع

إبهذا إلخلگ تدری  إلخبر مذیوع

ما  أریدک   أنت  إتصیر    دفّانی

...

إبحچیه   یبز  و  آکل قهر منّه

ما   یعرف   إلحب   ما ألومنّه

حتماً   بشر  هو إنخلق إنسان

حتماً إو سامع گعده بإلدیوان

چا   لیش   مایدرک  إو سبّانی

...

ماکو  مثل  ولفی   شخص   موجود

مرمرنی   چی  لابس  إثیابه  إلسود

ورده إو عطش شفته إو ذبل عوده

ینشد  علیّه  إو  روحه   ممروده

أللّه   علی   إلمن  عنده  حرمانی

...

إلتابع حبیبه من صرخ  مسموع

یا ناس لیش إلیحب عدنه إیلوع

بس إلیحب  یعرف أذه إلمحبوب

و إلّی  یعاند  بإلعشگ  مطلوب

إسئل  إو  تابع   تلگه    نیشانی

...

جاسم ثعلبی ألحسّانی 09/04/1401

إبعدت عنّی إو کتلنی إلشوگ  ،   وینک  یا بعد عینی

حبّک   حی   عدل  ما  مات   ،  دم   صب   إبشرایینی

إمن  أذکرک  ما أنام إللیل   ،   عزیز  إو گلبی ماینساک

یریت  أگضی  إلعمر   ویّاک   ،   أنادیک   إو  تنادینی

وینک  یألخذیت  إلروح ، لا   تحرمنی  أحن  و أهواک

مریض  إبشوگک   إبملگاک ، إو  من   غیرک  یشافینی

هم   تقبل  أظل  تعبان  ،   إو  حبّک   بإلگلب  ولهان

إمسهّرنی إو جفیت   إسنین ، و  أنت    إبسفر ناسینی

أرید إویاک إخذنی إحذاک ،  ملّونی   إلأهل    منساک

صعب  ترک  إلتحبّه  إلروح  ،  خلنی   أهواک   خلّینی

تعال  إو  خل  أشمّک حیل ، یا  مای   إلورد   و إلهیل

عطشان   أروه  من   إشفاک ، بس   عطرک    یهدّینی

محتاجک   تجینی   إلیوم ،  تعال   إو   لا تظل مندوم

مالوم     إلگلب     مالوم     ،      بفراگک     یعازینی

ما أقبل عذر مسموع ،  روحی    إتحن  علیک   إتلوع

مثل   راضع   یحب   مرضوع   ،  و أکثر   لا   تساوینی

وینک  یبو   إعیون   إلسود   ،  أحبّک حب فلا موجود

تبعتک  و   إلدرب    مسدود  ،   أندبک   ما تحاچینی

جاسم ثعلبی ألحسّانی 10/04/1401

إشوی ریّض  یحلو  إلطول  مهلاک

إو حلاتک من جمالی  تصد مهلاک

دربک  ماهو درب  أحباب  مهلاک

تغازلنی  إو   تذب  ضیمک  علیّه

...

تعبیت زاید تعبیت ، حتّی إلخلگ  لامونی

ملّیت منّک ملّیت ، ما تسوا دمع  إعیونی

لا  طیب  عندک   لا وفه

إو لا معرفه إو لا عاطفه

تابعتک إو ما قصّرت ، حتّی إلأهل عافونی

...

آسف   علیک  إتغیّرت  ، ما  ودّعتنی  إبیومک

إمسافر إمحمّر وجنتک ، و إمعطّرات إهدومک

إشوزّک  علیّه  إتبدّلت

إبحبّک ترانی إتبهذلت

یدرون شوگک بیه طمع ، ناس إشکثر منعونی

...

عینک علی ترمی إبسهم  بإلسوگ   یوم   إلطرّیت

گلبی إنجرح و أنت ألسبب ، ینزف إبدمّه إتعدّیت

ما  فکّرت   عشت   إبألم

محتار و إبضلعی إلسهم

إنجنّیت  شت  أحچی گمت  ،  إلباریتهم   ترکونی

...

شتگول إذا عندک عذر ، صوغه  إبذهب  حاچینی

تایه بگیت أنت  إلأهل ، و  إعلی  إلدرب  دلّینی

بلکت     تحل    إلمشکله

إو گلب إلی حبّک دلله

تیّهت  ما  أشوفن گمت  ،   یهل إلبخت  دلّونی

...

جاسم ثعلبی ألحسّانی 11/04/1401

من   ماندم  و  تو   همدم  ،  أشفته    حالی   دلبر

إی   دل  مرا   نترسان    ،   دنیا     همینه    دیگر

همپای   غصّه   و   غم  ،  همپایِ   درد   و   مأتم

أین   ألعداله   یا   رب  ، صیف  إو   عطاشا  بإلحر

سکتینه   ما   حچینه     ،    ملّینه     و      إبتلینه

وینه   إلیحن    علینه  ،   نه   یاوری   نه    سرور

ظلم و ستم که پیداست ، بنگر ببین چه غوغاست

حرفِ  حقیقت   آواست  ،  گویا    شنیده     داور

إی   دیدبان   صفا کن  ،   فکری  به  حالِ   ما کن

دردایِ   ما   شفا   کن   ،   دادم   رسیده    هر در

وینه   إلکسبنه   أمانه    ،   یتصدّه    لل      أذانه

یتگنّص   إو   رمانه   ،   وإیسمّی    نفسه    شاطر

چندوب سکته   إچّندوب  ،   نشتم  هوا بإلمگلوب

إلجالس إبداره إو مطلوب ، إسلوبه هذا إو شحذر

تو   گفتی   جانم   آباد  ،   هر  جا  بدونِ   فریاد

زندگی   جایِ  خود   شاد  ،  ولی    نبوده     یاور

با   هر   نداری   مستیم  ، ما  مُرده زنده هستیم

سکوتِ  شب   شکستیم  ، خروشِ  سختی   بنگر

جاسم ثعلبی ألحسّانی 27/03/1401

ألکدیشه إعرف  لواها  من حباها

إشتبه کلمن  هواها   من   حباها

إلدخل بإلشوگ محزن من حباها

إلمهم  طور  إلوسیم   إلساد فیّه

...

ذهب  حچی   إلمشایخ   دفن وعلام

إلبیت   إبّیته    ینطق   عبر   وعلام

یزینون   إلثقافه    إبأدب    وعلام

إو مضایفهم شفه إلکل هم و أذیّه

...

أون تنشدنی کیف  إلحال  بألحال

زین إو شین أحس مستقر بألحال

إلمشاکل  تسهل   إلتنحدر  بألحال

إبفکر  عگّال    تنهیهه    إلقضیّه

...

إلما  عدهه    ولد   بإلبیت   شلهه

تکد و إتجول بس  ممزوگ  شلهه

إلعدهه حیل  من  إتطیح   شلهه

إلما عدهه تظل ترحمهه إلنساب

...

إلیجول إو حیله زاید  من یعینه

أعمه إو ما شاف دربه من یعینه

سفیه إو طاح  بإلفخ  من یعینه

یظل یاکل  قهر  صبح  إو مسیّه

...

یون إبطور  إبو  إمهیلات  یرگص

یطگ إصبع یفلش إلصخر یرگص

إلیدگ إحچیمی  بإلمیدان  یرگص

یشوف إم  إلعلی  إگباله   ربیّه

...

إی نور هر دو دیده  دنیا  وفا ندارد

دارو ندار و گشتم بی  تو صفا ندارد

تویی أمیر عشقم  تویی صدای قلبم

دیوانه أم و دیگر  مهرت شفا  ندارد

...

وفا  ما  شفت  بإلدنیا   ولا بان

ولا خل  إلحده  إبوعده  ولابان

حبیبی إبهمّی  ناسینی ولا بان

إلیطیح إبضیج بس ربّک تچیّه

...

جاسم ثعلبی ألحسّانی 26/03/1401

إلنوایب تنشد  إعلیکم یهلهه

و أحس بحبابی کاتلهه یهلهه

أودّیه إیخیّط  إلعیله  یهلهه

یعریهه إو یصیح  إنعال بیّه

...

إلنظر ما عنده کل أعمی یشبهه

إلطلابه   إترید   راعیهه   یشبهه

إلأکلفه  إبشغله  ینهیهه  یشبهه

یلفهه   إبنار  و   إیذبهه   علیّه

...

إبلواک إو تگنص  إلطایر  ترامیت

و أنا و إعداک بس وحدی ترامیت

إذا ما  تلحگ  إبن  إمّک  ترامیت

بطیت  إو  بإلفله  و   إنغدر  بیّه

...

إبّناک أنسه  إلوفا  إو بیّه تراییت

أنت طایح و أنتظرصوتک تراییت

حشتهم  و  أخذ  إبثارک  تراییت

إبفرد  صلیه  إو حرگت إلبندقیّه

...

إبحضور أهلک یولفی صلفه عینک

إو تظل تنهش إبگلبی  صلفه عینک

تغثنی إو ترد  تضحک  صلفه عینک

أشو ما  کو  خجل   و   إتعیل   بیّه

...

عمر   عشت   إبدلیلی    ونترابی

کبرت إو  خذت   حقّی   ونترابی

طحت  حدر   إلجناوی   ونترابی

إو تگول إفّیه إسحگوه هل أذیّه

...

إلمصایب تچمد  إبروحی  دفنهه

إو گلبی إلغیره ما  ضنتی دفنهه

إلهموم أبعدت  ما تگرب دفنهه

أزامطهه   إبنصر   قادم    علیّه

...

جفه   إلمحبوب  و  إبیا  بلد  ونشال

إبغیابه إلگلب داوی  إبنار   ونشال

صعدنی إعله إلغمم بإلوعد ونشال

إو کسّر سلّم صعودی إو فتک بیّه

...

تا   دلت   دریا   نباشد   إی   رفیق

آنوقت   آید  کشتی   عشق   و وفا

قلب و  روحت  با قناعت  سیر کن

شادی و روزی تو می بینی از خدا

...

ألمعنی:

صفّی  نیتک صیر  کألبحر   إلمریح

تأتی لک  ألسفن  بإلحب   و ألوفاء

بإلقناعه   إو سرّک    إرقیه  لا تبیح

إلرزق یاتی  و إلفرح  بعده إلشفاء

...

إلشفاعه   إبزود  مؤمن  ولهدنّه

إبصلاته إو صومه یشفن  ولهدنّه

إبوکت تلفی   إلسعاده  ولهدنّه

تذل إشیوخ  و   إتعلّی   إلرعیّه

...

إحتفض   من   إلرعیع  إو حکم من شاخ

یهدّم   بیت   إخوته    إبغدر    من شاخ

یذب ضیمه إعلی  ربعه إو گلب من شاخ

إو      یخلّی     إلنار    تسعر     بإلثنیّه

حشیء إلسامع

...

جاسم ثعلبی ألحسّانی 29/03/1401

إلما بیه محنّه إو طیب  گلبک  میهواه

مو مال وگفه إبضیج بس إسرع إنساه

...

إلقادر بعد میعود  متنوعه  إلأسباب

لفّیته جرحه إبشوگ ضمّدته ما طاب

...

حچیک مطر بإلصیف  ما یروی  إلگاع

إبسوگ إلذهب کبریت من گلّک أبتاع

...

إتبع حچی إلکذّاب إلحد  عتبة إلباب

أداوی جرح جرحین من غیری ینعاب

...

محتر إو  داوی  إبنار  متردّی حالک

إشمالک تون یهوای گلّی إشجرالک

...

ماکلنی و إنبلعیت  طعمه إبّطن حوت

إتحمّل ضغط و إذنوب لو باچر إتموت

...

دنیا إو عذاب إو موت حال أرده من حال

مال إلحمل  چا  وین  و   إلحملی   شیّال

...

حامل قهر و إهموم إو عیشه إبردیّه

إمتابعنی    إلبطران    ویهد    علیّه

...

إلمس بإلجدر و إیحوس طابخ عصیده

یتنومس  إلجوعان  من   یحرگ إیده

...

نحمل بلاوی إو ضیم کل إلسده إو صار

إلمنّه  یلوحه   إلعار   من   یترک   إلدار

...

أنت ألعزیز  إهوای  تجبل   و   أحییک

إبگلبی سکنت إویای بس مانی ناسیک

...

إشمالک یبد إلذات تنگرنی و إتطیر

عشره إنتهت  ویّاک بس بإلتصاویر

...

وینک إو گلبی إیفور  بس حبّک إدوای

محتاج أشوفک حیل بس مبعد إویای

...

أحّاه   یحلو    إلطول   لو    یمّی   تمتد

عید أفرح أنا إبهای بوسه إو علی إلخد

...

شخصک نبت بإلروح إو سابینی ویّاک

خلّه  إلیگول  إیگول  تدری  أنا أهواک

...

من ولفی إتأذّیت  کل   شیبی   بلحای

و إلّی یگول أهواک خل یگرب إحذای

...

لو   أنت   لو  مارید حد إلمنیّه

إمعذّبنی إچّندوب تضغط علیّه

...

یا ولفی   کافی   عاد     منّک      تأذّیت

إتواعدنی أجی إلملگاک و إتگلّی ما جیت

...

ساحرنی لیل  إنهار  طبعک یغاسی

ما ضنتی أنا أنساک بس أنت ناسی

...

کلّک  حلو   یهوای  ترکک  منیّه

إیطلقن إعیونک نار یرمن علیّه

...

یا نخل یا گنطار  حبّک  مصایب

من إلوسط لیفوگ کلّک عجایب

...

حبّک ذهب و ألماس و إبگلبی مضموم

دایم  أفکّر  بیک   إو   حارمنی   إلنوم

...

أنت إلگلب و إلروح و إسمک نصیبی

لو   أنت  لو  ما  رید   غیرک  حبیبی

...

ریم  إلتحبّه  إهواک  یا  گلبی منعوت

خلینی أعیش إویاک کل عمری للموت

...

تدرینی أغار إعلیک کل ذاتی تهواک

ویّاک  أرید  إویاک  ما  أگدر أنساک

...

دگ دگّتین إرداف گلبی إو نزف دم

مو جرح بیّه إجروح  ما  ضنتی یلتم

...

یابه إلگلب مجروح وینه إلیداویه

ضایع طبیبه وین خل یسهر إعلیه

...

إمعذّبنی  لیل إنهار یا حلو إلعیون

ترمی علی بسهام بسّک  یمجنون

...

یا ریت  أنا  ویّاک  شاطی  إو فرخ  بط

خلینی أعیش إحذاک ورده  إبّطن  شط

...

عینی  تحن  بإللیل   یکثر   بچیهه

یا من غزیت إلروح عینک علیهه

...

ما قصّرت  ویّاک  ردتک  تجلهه

روحی تحبّک حیل بالک تذلهه

...

أنت عزیز  إلروح  و  أنت   إلهویّه

من أشم عطرک حیل ینغش علیّه

...

إلعافانی و إتعنّاک  ما ضنتی إیعود

دلّالی ساب إویاک ما یرجع إردود

...

أنت إلهوی و إلمای  ما أگدر  أنساک

أریدک و أموت إعلیک للتالی ویّاک

...

ماکو درب و أنعاب  إمهدّد  بإلألغام

إبحضنک أبد مانام أحط عطرک إلثام

...

مو گلت گلبی  إویاک کلّک إلیّه

جرنی إبهواک إلموت  حبّک بلیّه

...

إبشوگک أجالع دوم ما   أگبل إلمای

خلینی إبوسک حیل بإلوجنه یهوای

...

ضرنی إلبرد  تعبان  و  إبچلّت  إشتای

دفّینی خلنی أرتاح و إبحضنک إدفای

...

ما تنشد أنت إشبیک عینک جویّه

وینک  عزیز   إلروح   إسئل علیّه

...

یألسافرت   لبعید   دلّالی   یهواک

ویّاک أرید إویاک ما أگدر أنساک

...

إعیونی تجر و إتلوع إحس دربی ممنوع

مثل  إلمطر  ضلّیت  بس   أنزف   إدموع

...

حب إو حرب و أشتاق شوفک یمدلول

روحی محربه إعلیک عطشانه و إتجول

...

یا ریت أشوفک یوم تشفیلی حالی

من غبت ما نشدیت إمضیّع دلالی

...

دمعی یصب  تعبان  راحن إعیونی

لأهل إلهوی إشتاقیت لاکن نسونی

...

عذّبت گلبی إهوای من  صار إلوداع

وینک یبد إلذات حبّک نده إو ماع

...

گلبی إنزرف و إنعاب متسودن إعلیک

إتگرّب علی  یفلان  خلبینی  أحاچیک

...

طبعک  طبع  غزلان  لو   در    یواسی

مو گلت أموت إحذاک شو هسّه ناسی

...

لا تنسه   إلودّاک  و  إلساکن   إویاک

أنت إلگلب و إلروح من گلّک أنساک

...

ربّیتک   إصغیرون  بس   أنا   أفیدک

مو سهله یم أجناب و إتذم عضیدک

...

محزن و أبدل إلثوب ثوب أرده من ثوب

ترمینی  و أنا  أهواک  دانه إبحلگ طوب

...

جاسم ثعلبی ألحسّانی 31/03/1401

وین إخوی إلهد  علیّه  بس  بعد   کافی   إلعناد

إلوحده تجمعنه سویّه إو گلنه حیَّ إعلی إلجهاد

أنا و أنت إمن   إلسریّه   إنگوم  ضد   إلإضطهاد

شیل إسلاحک و إنسه  إلماضی  إنریدک جیدومه

...

أهلنه چا وین  إلشجاعه  إو  وین  صرخات إلرجال

إلغیره ماتت  لو  بعدهی  منّک  أنا   أسئل   سؤال

هاتف إحسین أعلی  صوته   طاعة    إلذلّه   محال

شد حیلک وسط إلملعب و إشفی إزنودک بإلحومه

...

إحسین للحرّیّه حارب  ما قبل ذلّه إبسلام

إحسین ما راید ریاسه راد  عزّه   و إحترام

أبد ما طامع إبحلّه إو لا إماره  إو لا مقام

سیف إبحق یلمع بإلطف ما  دنّگ  راسه

...

إبهوسه  أرید   أبعث   رساله إلکل عشایرنه إلعرب

دمّرتنه   إلطائفیّه   إتّحدوا   بس    کافی     إلعتب

طشّرتنه   إو     ذلّلتنه  إبتفرقه   إو  هیَّ    إلسبب

إحنه أهل إلضاد إو مذهب کلنه أخوان إبهل میدان

...

شال إلبیه محنّه إو طیب  شال إو لاعت إعیاله

حزن حتّی إلمضیف إویاه  إرتحل   قاید  إلخیّاله

تتلاطم علیه   إلنّاس  من   کفّنّه   إو  من شاله

و أحبابه    إتشیّع   حِضرت    حید    إلواساهه

...

حضروا کل  عمامه  إحذاه إمگبّل یمّه غیّابه

شالوا جثته   بإلتابوت  صوب إلمگبره  إحبابه

صدقانه إلعلم نکسوه إو توّن  إلعرب سچّابه

یا عینی     إبچی     إعلی     إلبیه     هیبه

...

شاع إلخبر   مات   إلحید   محزن   حتّی   دیوانه

إلغریب إیشیّع إتعنّاه   إو   علیه متوسفه خوّانه

عجید إو عادل إو محبوب وفی و تقدره صدقانه

شال    إلبیه    هیبه    إحزن     گلبی      إحزن

...

یا بدر   إلیشع   بإلدار    وینک    جیت     أزورنک

شفت ناس إبملابس سود إرتخیت إو صحت  أندبنّک

گالولی   إرتحل  هل  یوم  إببطن   گبرک    و أمرّنّک

إمودّع   بأللّه   إمودّع   و  إحنه   إبدربک    مشّایه

...

سئلت إو شنهی إلنیران تطگ چیله إبأثر چیله

گالوا عرس بیت   إفلان   إبنهم   عرّس   إللیله

حلو مثل  إلگمر  و إینور شهم  ماخذله إکحیله

أهلاً بإلعرّس   بین   أحبابه  إو   إمّه   إلزافوفه

...

هلاهل  و إلسلف  فرحان   عرّس  بطل   خوّانه

یستاهل  أسد   منعوت   گاعد   سدر    دیوانه

إلعروسه إویاه إید إبإید إلورده  إبسدره نیشانه

بین   إخوانه  إو   بین   إعضاه   أهلاً    بإلعرّس

...

کشخ لابس ملابس  بیض  إتقدّم  یم إلکحیله

إبیمینه إلورده من کل لون و أحبابه إلتهنّیله

وفی إو ما ینکر إلطیبات و أصحابه إلتباریله

إمبارک و أللّه  إمبارک  و  أنت    إلملزومه

...

إلشکر زاید  أقدمه   إلیوم  للیواسی إو یبارینه

هله إو  میّت هله  بإلجای   متعنّی   إو یهنبینه

إخو صاحب صدیق إو جار حضرونه إلتهم بینه

إمعرّس و إنتم خوّانی

گلبی   إبحبکم  دلّانی

یتزیّن  بیکم   دیوانی

إلقادم لینه إنقدره إو نوفیه إبیومه

...

جاسم ثعلبی ألحسّانی 21/03/1401       

إلشابع قهر ویّای حالی إعلی حاله

مَقبل  صلح  ویّاه و إبظهری  فاله

...

جرّبته  ولفی  إسنین  ما حن علیّه

حیف إلتحبّه إلروح شچ رمحه بیّه

...

عمده إو غلطت إعلیه بس ردت أجربه

إبشتمه إو حرگنی   إبنار  ما بعد أحبّه

...

إنهار إلتحبّه  إلروح  یا  ربّی   شافیه

تابعت دربه إبللیل بجدومه أشم بیه

...

إشما أجربه إلمحبوب ضم طبعه إلیّه

کضّیته   مثل   إلطیر   بثنین    إدیّه

...

تسحرنی گلّی  لیش  إو  تخرج  بإلموال

إبسحرک أحس تعبان و إمدهور إلحال

...

ما بعد أگول إهوای إو ما بعد أمر بیک

عوف  إلدرب  مفتوح  و أللّه إلیجازیک

...

طبعک عرفته أرکاد ما بیه  فراهه

چنّک جراده  لیش  بإلفم خراهه

...

أدری إلیحب خسران متکضّه إلحدود

إمبارک کشفتک زین بطباعک إلسود

...

ما تحترم ملسون  روح أللّه یهداک

باخر دقایق زین قررت أنا أنساک

...

مکیاجک إمحلّیک  من  دونه   ممرود

حب و إنتهه إبهل یوم ما ظنّتی إیعود

...

یا وسفه وکتی إویاک ضیّعته مغشوش

گبّلته حبّی  إو  مات   لتودی إطروش

...

محتار أون إسنین بیّه   إلوکت طاف

یا دنیا لیش إویای ما عندچ إنصاف

...

عمری إنتهه إو خلصیت متحسّف إهوای

کلمن   أحبّه   إیگوم   یتحایل     إویای

...

لتظن أشوفک یوم  لتفکّر  إو شاک

عفتک بعد ما أعود روح أللّه ویّاک

...

چم مرّه  گتلک  جوز  و إلزم  حدودک

راسی إنترس بیه شیب کلّه إعلی مودک

...

لا لیلی نمته   إعلیک  لا  گلبی    مرتاح

إنگابک کشفته إبغیض فرّحنی من طاح

...

گالوها  إلعگّال  إلسانک   حصانک

إلصنته صان إویاک و إلهنته هانک

...

طبعاً عرفتک  زین  و  إلّی  خفیته

إتعرّف إبنفسک حیل گلبی سبیته

...

خویه إنتهت ویّاک ما بعد  أمر بیک

إترکنی  وحدی أرتاح  أللّه  إلیخلّیک

...

چنّه عمر  صدقان  فات  إلوکت   فات

و إبگلبی لیله إبیوم حبّک نده إو مات

...

یا وسفه ما حسّیت  حب ولفی من عای

عاشرته بضع إسنین إو شچ رمحه بچلای

...

شارد و أنا إلمطلوب إو تتحاشم إحذای

گلتلهم  أنا  إویای  گضبت عدس های

...

هم تدری شنهی إلصار کامل عرفتک؟

بزّیتک  إبکلمات    کلّک    کشفتک

...

إمسافر و أفکّر  بیک  ما  نایم إللیل

من بعد وین إتروح یا نجمة إسهیل

...

إلحصل حیل  إویاک  أنت   إلردتهه

تتحایل إویه أهواک عیله إو عدتهه

...

بینک إو بینی  أسرار  خلیهه سکته

جرح إلگلب ما طاب أنت إلفتگته

...

سرّک یظل  مظموم  دار  إبّطن دار

من بعد ما بعدیت کل إحنه أحرار

...

إشورّطنی   أنا  إویاک   کلّک     أذیّه

إلسانک طویل إویای إو عینک جویّه

...

(أبو فرات ألحمدانی ألبصری قال:

ما طاری جمله إبشین للطیّب إلذات

مثلک یجاسم وین خِل ألگه هیهات)

...

یا بو   فرات   إلروح    ملیانه    بهموم

و إلدّنیا صعبه إویای یوم أرده من یوم

..

(ابو فرات الحمدانی البصری قال:

بإلذهب   ما   ینقاس  خِل   العرفته

ألماس إو اوصفه اشلون بإلّی شدهته)

...

ادری إلدهر خوّان إیعذّبنی للموت

أنت إلسبب  ظلّیت  تایه  بإلبیوت

...

تجرح و أداوی إجروح  بسّک یدولاب

حیّه إو تلف و إتدور ما تعرف أحباب

...

حیل أرد أصیح أُفّیه  هسّه إستراحیت

مات إلقهر و إلضیم من منّی بعدیت

...

متوسّف   أنا     إبهای    ماودّعیتک

گتلک و إعلّم بیک إمن إلشر نهیتک

...

هسّه إلدرب مفتوح خل شرّک إیفید

چم مرّه  گتلک  جور  تگرص یعربید

...

لا تلتمس ما دعود  کلفه إلطلابه

صیتک طلع منعوت مثل إلربابه

...

سلّمتک  إلدلال  إو بکتاره إلعیون

عذّبته لیش إتخون إسمع یمجنون

...

ما طالعتنی زین و  إعرف صفاتی

ما بگه شی  ویّاک  بس  ذکریاتی

...

تذکرنه  یوم   إلعید    دگّینه    إلحدود

و أنت إلسبب جفّیت لا تبچی ما أعود

...

یتعذّر     إلغلطان    بإلدّنیا    مریود

و إمن إلگلب لو طاح ما یرجع إردود

...

إمتابع یجرّب بیک بأطباعک إو شاک

کسریته گلبی لیش  چی  گلبی حبّاک

...

یغلط عبث مچلوب و إلعینه ملسه

و إلّی   یهین   إجواد  رایدله هلسه

حشئ إلسامع

...

بعدک تحن بإلروح  ما ظنتی أنساک

أفرک إو داوی إبنار چی گلبی یهواک

...

ربّیتک إربه إلطیر شلتک بدیّه

متعجّب أنا إشلون تزعل علیّه

...

عشره إنتهت ویّاک حب إو دفنّاه

لاکن کلامک شین ما ظنتی أنساه

...

إلیحب یحب للموت  یتعدّه  کل شی

یفدی إلگلب و إلروح و إلمیّت إو حی

...

هسّه أنا أفکّر بیک  متندم   إهوای

ادری إلندم میفید بس ترکک إدوای

...

جانم خدا حافظ  بی تو می مانم

نام تو خواهد ماند  بر  سر زبانم

...

گویا دلت تنگ أست خوابت نبرده

یاری که  رفته  دور    بر نمی گرده

...

یا من تعبت إلروح شد حیلک إو گوم

شافی  حیاتک  حیل  لا تبقی   ملچوم

...

جاسم ثعلبی ألحسّانی 18/03/1401

فهد   بخلاقه   گرّبنه  وحدنه

فهد  بإلحومه سابگنه وحدنه

فهد عون إلمضاربنه   وحدنه

فهد ما حارب إسباع إلوطیّه

...

إلنزع ثوبه إو لطم بإلسلف ینشاف

إو مای   إلبحر   بإلغبگات   ینشاف

تعرفه   إلزین    بإلصعبات  ینشاف

و  إبو    إرویشد   یفر     بإلموزمیّه

...

إلبیه  إجروح  بید أحباب ینزار

إو گلبی من قلیل  إلعگل ینزار

إلیهد بسلاح یوم  إلضیج ینزار

إلیشیل إلرایه   قاید   للسریّه

...

إلوگف عون إو بنالی منسه بانی

و إبو إلحوثه إبتلانی  من سبانی

یظل  حچیه   بذانی  من سبانی

إلیذم خلگ  أللّه  ماله  قابلیّه

...

خسر کلمن  فتک  نفسه  وذلهه

مع أجناب إو گطم سرهه وذلهه

إلکرامه  إتشیل  من داره وذلهه

یخف  عد  مرته  ترثیه   إبردیّه

...

إلزمان   إسباع   خردلهم  وذلهم

کثیره   إهموم    زوّدهم  وذلهم

منع روس  إلتساعدهم   وذلهم

إبغربه إو  طومروا حدر إلوطیّه

...

إستمع طبل إلضبوح إلیرن شیخان

إبشی وگفوا دفاع   إبعلن   شیخان

إذا  شفت  إلرعیّه    إتغیر  شیخان

حقّه   إلینتفض    راعی      إلثنیّه

...

حمل شایل  فخر  صیتی ولاعن

إرماح إتشابکت  صوبی ولاعن

إخوی إلضیجی ضمّیته  ولاعن

علیّه  إو  صاح إحرگوه بإلثنیّه

...

إلخبث و أحبابی سحگاهم مردهم

إلملح و إلزاد   ما   جرهم   مردهم

إلما    وگفولی    بإلشدّه    مردهم

إسباع   إضباع   لو   کلب  إلرعیّه

حشئ ألسامع

...

یگلبی إحزن علی  إلطیبین خوّان

إو طفلهم ما طلع  بإلعون  خوّان

بعض خوّان  بس  بإلإسم   خوّان

إبضیجک  ما  تجد  منهم وصیّه

...

إلتبع  مرته إو  فرس  مارید مرته

دواها  لحم مشوی  إیکون  مرته

شلع گلب  إمّه و أطعم بیه مرته

عثر و إسم أللّه گلّه  إکله إبهنیّه

...

إبرحابه ما یرد  کل  همج لابأس

لأن ثوب إلخزی  بإلجمع  لابأس

إبسلاح إلظالمک لو  تهد  لابأس

ولاکن هلک  خط  أحمر  إلیّه

...

إحترمتک  حیل  حبّیتک    وجیلک

أنت إو کل   هلک  ربعک  وجیلک

إشترید أجمع إطیور إلحب وجیلک

إلرضاتک  و إندگ  إحچیمی سویّه

...

إلبخت لهل إلبخت  سایه  ورایه

حچی إلحگ  یعله ما ینزل ورایه

صدمنی  إلحافظ  أسراره   ورایه

یسد بإلسانی  لا أفضحه إبقضیّه

...

إلبیهم غیره  مر  بیهم وصلهم

أحباب  أعزاز لا تگطع وصلهم

ما   تکتل  حیایاهم    وصلهم

ینطونک  عزم  حیل إو شفیّه

...

صدیقک  خلّک  إیضرّک  وخنلک

طبل ممزوگ ما  دن لک وخنلک

إترکه  إلما   یظم   سرّک   وخنلک

إلتصطر إلحچی إحیود إلعبقریّه

...

أبث   بشعاری  لیل   إنهار   بنّت

علایم   للیحبنی    أظهرت    بنّت

إعلی کل إلعالم أعلی  إیشان بنّت

و أطهر إلخلگ من کل هم وأذیّه

...

إسیوف  إلما  تگص   بإلطبر  حشهه

فقط    بإلظاهر    إلمحتاج   حشهه

إجنیلک کل حدیده إبضرب حشهه

تبرج   بإلنسل   لو   گرب      ضیّه

...

إلبیه غیره إو حمیّه إو بعد ویعین

إو هله بإلصانع  إعجوبات  ویعین

مو فد  ویع   بإلّی   خان   ویعین

إبهله  إو  بإلچبد  موتاته   إبردیّه

...

إلتبس ثوب  إلعرب  و إفتر وغربیه

إبمعاته إرکب إحصان أسمر وغربیه

لبس  وجه   إلأسد   ماعز   وغربیه

إندحر   ذئب   إلمهاجم  من ضحیّه

...

إنطمر یألما إلک صرخه دعانی

علیمن   منتکل   صابر   دعانی

أشکره  إلمهتم إبشانی  دعانی

یعمر إلبیت  و  إیطهر إلثنیّه

...

إبگاع إلصبخه  ذوقی  إبرشگ  من ثار

ولا   أطالب   أحبابی   إبحرگ   من ثار

إنگلب قلمی  رصاص  إو فشگ من ثار

إبگلب  کلمن   عدو   خاین     خویّه

...

شهم یإلسامح  إلصاحب  وعدله

إبغیضه إو  یذکر  أفعاله  وعدله

إبضمیره إو ما یجد غیره وعدله

إبحنانه إو حیّه بیه بأجمل تحیّه

...

إلقناعه   إتمثّل    إلرجّال    بلعان

و إلیضکّه  إلفقر   ینشاف  بلعان

إلکریم إبضعفه یکرم  ناس بلعان

یقسّم   گوته   ما    بین   إلخویّه

...

إلمثقّف کون صاحب ذات ونصاف

إو من مای إلکدر  یعتزل  ونصاف

علینه إبواجب  إنجر ناس ونصاف

علی   درب   إلعداله    إبمرحمیّه

...

إلبشر مو کل وکت حالی ومر بیه

إو ربّک   طابع   أخلاقه   ومربیه

إخو خیته إلیزهی دیوانه  ومربیه

و إشرب  گهوته   إو   زور إلثنیّه

...

إمتانی  إلواعدنی   إیمر  علی مال

ندبته  إیساعد  إبحملی  علی مال

إعتذرنی إبصوته سمعیته علی مال

إو  علی  تشهد  إبضیجه  إلبندقیّه

...

یگلبی إحبابک  إلزهدوک ولهم

غرگت إببحر بیه حسبات ولهم

إلصبر  صبّرته   أنعّم   بیه ولهم

علی إلشال إو  بعد ما مر علیّه

...

یألمعاند   ثگل    شوگی    ولک روح

إشگد یطحن خبث گلبک ولک روح

حبیبی   ما    أعوفنّک    ولک  روح

و إلک   دزّیتهه    إبعیدک    هدیّه

...

إلرجال   إبگعدت   إلدیوان    وتحل

تحرم   إلبیه   ضرر    للنّاس   وتحل

حلال   أللّه   إبسهر   تبریه   وتحل

إو تصفّی إلخابط إو تبری إلضحیّه

...

إلغیره   إلعدنه  درّت   من کتلهه

إلیکحّلهه        عمامه     منکتلهه

إبحلال إو  مال   طمهه  منکتلهه

کتلهه إبن إلغبی إلبیه شر و أذیّه

حشئ إلسامع

...

إلقلم  خلّه   إلک   تفگه وهد بیه

و إشعله إبنار من   ضرّک  وهدبیه

إهدیب إویاک و  إتنومس وهدبیه

یصیرو   لک    فشگ     بإلموزمیّه

...

إبجمعنه إحنه إنتکاتف بیتهنّه

إو کلام  إلراقی   یشفی  بیتهنّه

گمر   ضاع    إبأملنه    بیتهنّه

ندوره لو  نظل   نشتم  هویّه

...

جرح إلیدّی  دم   فد یوم ینزار

علی إلبیهم کفایه إلگلب ینزار

مگام  إلما  یشوّر   عبث  ینزار

إلیدور إمراد یعجز یطر فیّه

...

جاسم ثعلبی ألحسّانی 16/03/1401