السیف و الوصیّه

قوم کض سیفک یبن زین العرب

او لا تجالس کلمن ابیومه هرب

صادق البیه شیمه بل حومه او ضرب

و الوصیّه اترید حید الشالهه

***

وصل وکت العزه و اتحده الشتات

عیب یابه ابحضن کل طاغی تبات

هذا سیفک هذا درب المنصرات

لا تاخر فات یوم ارجالهه

***

الوطن ینطر زفته و اعیونه تهل

اتخربطت کل المغازل بالفتل

بیه سعاده او بیه عباده او بیه امل

هذا یوم العید شد ارسانهه

***

اوعی من الذله و اتصده الی خان

و السفینه امسیره ابدرب الامان

کلنه خوه او کلنه غیره و الحنان

تارس اگلوب التصب ادلالهه

***

اتعلّم او شاور او دوّر لک حبیب

و الجرح من العدو ما ضن یطیب

و الی ساکت عالبطل حتما یعیب

ایشوف بعیونه او یذل باحلامهه

***

قوم هوّس قوم حس راس الفرس

وعّی گلبک  اتعلّم ابیومک درس

و الّی تابع خوّته ما ینفرس

ایصیر دیوان او یکحل اعیونهه

***

اتعدت اسنین او مضه الهم و العذاب

و المجالس تخطب ابلوم او خطاب

الطایفیه انتحرت ابزی الشباب

انه اخوک و انت اخوی ابیومهه

***

مانی ساری لانی طرفی او مانی کیف

و العشیره الطشّرت  زی  المضیف

اصلی عربی او بالمحاره او بیدی سیف

اطبر الخان الوطن و انذالهه

***

جاسم ثعلبی (الحسانی) 30/01/1395

29/06/1437

08/04/2016

غزل عطر الحبیب

ما ردتک رمح ردتک دوای اتصیر

تمرهم بالجروح او اشفی ابحالی

اذا تشلع ابگلبی او بالصداقه اترید

العداوه اویاک غصبا تظهر اببالی

کتلت المستحی او راویتک احچایات

او دفنیت الدموع التجری بالعالی

شفتک ورده بیدی اتغازل البستان

او عطر صیوانها ایفلش ابدلالی

ختم گلبی سلامک همسه بید العوز

او ضل بس الفکر باحلامه یبرالی

دعیتک بالصبر مل الصبر من شاف

گابع بالخیانه امن اول او تالی

شبنیلک قصر فوق القصر چم تاج

خاطر تحترم و اتقدس امالی

ولک بسّک هضمت الحب هدمت ابیوت

متحاسب ضمیرک بالگلب جالی

جاسم ثعلبی (الحسانی) 08/01/1395

27/03/2016

ابوذیات عتب مع الحبیب

الدمع یجری اعلی حبی ابار و انهار

الملم بالصبر بس جار و انهار

ابلیالی فردشیت العار و انهار

طلع بد ذات شال او عم علیه

***

یمن گلبک نزف من علی من دم

اشکثر حسرات منک شفت مندم

درست افکار سرک غضب مندم

وفی او عدیت عیلاتک علیه

***

من هو الدار فکرک علی ولهاک

او ترس عگلک کراهه ابعسل ولهاک

اخذ کل شی الهدیته او ابامل ول هاک

تروح او لا ترد کلک اذیه

***

ابو یعگوب سیف او حارص الثایه

ابغیر امروته ما تحله الولایه

تضل خوتنه دنیا او نبغه وفایه

لو غثنه البین انگص راسه

***

جاسم ثعلبی (الحسانی) 07/01/1395

26/03/2016