غزل تمر گنطار
غزل تمر گنطار
هـــــم یقبل ضمیرک تحرگ الدلال
بیدک تشـــــــــــعل النار او تدوینی
مو گتلک احبّک وانت صاحب ذات
علــــــــــی غفلت گلب دایم تداعینی
انت الشمس انت الگمر انت انجوم
حگهه الروح لو گامـــــــت تهنینی
مختال اصبحت وازلوفک الفخّاخ
قـــــــــوری ابنار وابموگد تچوّینی
علیک اعتب و اناقی کالطفل باگماط
او بـــــالکاروک و اعیونک تبچّینی
همت مشتاق اشوفک والزهور اشهود
هدیـــــــه امعطّره او ذکرک یسلینی
لا لیلـــــی انام او لا نهاری ارتاح
تمر گنــــــطار خدّک والله یسبینی
غزال الشاف طبعک ما یود النوگ
حمام ایگر جمالک مــــــن ینادینی
بیدی احرث قهر و اشتل عشگ مشنوگ
نهر شیب الـــــدهر سایب یعازینی
مناره الشَعَر گایم جبل فوگ اتلول
او غرام اشفافه مــحراب او یدنینی
یشـــع نورک علیّه و السدر رمّان
شــــابگنی ابسجن و امدمّر اسنینی
خلینی انتـــــحر خلینی اشبع موت
انمزگ گلبی او بارماحک ترامینی
تهدّف، تغتنم، تلبس مــــصایب ثار
مثل مای المـــــــطر بیدک تبدّینی
ولــک گلبی یحبّک و انغدر ودّای
موش ارکاد بــــــاچفوفک تحنّینی
لا تنسه کلامـــی مثل طلقه ابطوب
انتظرتک من ثگل حــملی تبارینی
حمل عندی الشماته من سفینة نوح
مـــــــــــــا معتاز لفعالک تعادینی
گلبی ما یطوفک لا تخاف انساک
نارک مــــــا تکاسر خامد اسبینی
اشمالک ما تحن من ودعتلک طیف
الطیر الطار مــــا یرجع بعد عینی
وگفت اعلی الهوی سدد ترانی اجروح
اخلاف اسهام رمشک من یداوینی
جاسم ثعلبی (الحسّانی) 14/08/1395
موضوعات مرتبط با این مطلب :
برچسب ها: غزل تمر گنطار