هات و دارمیات

ادور اعلیک یا ریحانــــــــه یا ورده

الیضدنی احتار من شافانی اودنـــک

من حبک ضربنی او شاهدتنی الناس

فوگ الدار ادگ والطم اریدنــــک

***

درعت الثوب واتمنی انــــام اویاک

یریت اتشیل تابوتی الدفانــــــــه

فگدت الفکر واتسرسح دلیلی احذاک

افتح باب گلبی او اتشوف نیشانـــه

***

عفت دار المعزه او هاجرت لبعیـــــــد

رگعت الباب ما حسبّت بلفرگـــــــــه

شنهی الدبریته ابروحتک یفــــــــلان

اشتعل بیه نار گلبی او مثلی ما تلگـــه

***

ردتک تجی و اتشوف گلبی او ونینه

لیل او نهار اینوح لو ما تجینـــــه

***

من رحت حد اللیوم ما نامت العیـن

طالت الفرگه اویاگ و اتعدت اسنین

***

حیه او تلف واتدور لف گلبی یهــــوای

عندی الدنیا اشگوص من توگف احذای

***

اگدر اعوف المای واتباعد العیـش

بس عذبانی اهوای ما یتّصل لیش

***

فرهدت گلبی الناس او خالی مکانه

ابلا گلب ضلّیت کله اعلی شانـــه

***

دارن علیّ اسباع و اتحاشدنـــــــی

و السن نبت بحشای او سمهن کتلنی

***

 جاسم ثعلبی (حسّانی) 30/12/1391

شمس النهار

اسئلت شمس النهار او طالعتنی اعلیک

الگلب خجلان منهه اترخاء اشویــــه

لان ما کو خبر عندی و اعاتب فیـــه

اخبرینی ینجمه اعتمدی اعلیـــــــه

***

رسمت اسمک علی جدران گلبی ابنار

ضربت احروفه بسمی او بسّم حسّانی

ردت یبغی صنم و اتعبده کل الناس

دعیته ابلیله گمرا  او راح ماجانــی

***

تعارفنه ابهوا من بُعد بلنظــــــرات

کتبت اکتاب شعری او راسلیتک فیه

فرد لیله دعیت الگلب و احتزمیــت

بکان السهّرانی ما لگیتک فیـــــه

***

حلو واسمک یضل تذکار بلــــــدلال

الادب طخ راسه الک و انت ابو الغیره

من اللیله و اتعاهد عهد ویــــــاک

انربط گلبی ابحبکم دگ مسامیـــره

***

تحلیّت ابکلام الماتشیله النـوگ

رجف گلبی ابلقاکم وانشده بالی

اذا متعود گلبی بلحزن تلـــگاه

وحق نسمت هواکم ما الی تالی

***

تمنیت آنه طیر او عندی ست جنحـان

لطیر اللیله و اوگع فوگ دیرتکــــــم

ادگ بیت او مضیف او هتل بس القاک

اشوفک من بعد و ارجع ابعازتکـــــم

***

جاسم ثعلبی (حسّانی) 25/12/1391

ابوذیات فی البداهه

طال افراگ شخصک علی جاســــــــــــم

او هجرک سیف نص الگلب جاســــــــــم

انا اشما اذکر الخلان جاســـــــــــــــــــم

اضل اربی لما اتمرون بیـــــــــــــــــــــه

من ابوذیات الشاعر الادیب احسین الساری

***

الجواب

کلامک بلگلب للابد یحســــــــــــــین

جمیع اعضای ابحبک الّی یحســــــین

الولف شاهد ترکته او صحت یحسین

لان انت العگل والروح الیـــــــــــــه

***

الفرح قادم علینه و انتدمــــــــنه

ابحضورک شع شمعنه و انتدمنه

حبیبی انت گلبنه و انت دمـــــــنه

یحفظنه علی حامی الحمیـــــه

***

طویت الجبل و اسهوله بلا مــای

اببحر سایر بلم حبی بلا مــــای

حسافه ابدنیتی عایش بلا مای

غدر بیه الوکت و اصفگ بدیه

***

ابتلیت اویاک کل عمری واجر بیک

الزمن منّک اخذ ثاری واجر بیــک

امتحنتک لا الف مره و اجر بیــک

لگیتگ بشر ما تسوا الخویــــــه

***

دمع عینی غسل خدی و ســــرّه

یدوّر صرّة اگلیبی و ســـــــــــره

دفنت اهمومی من گبله و سره

او بگیت اویاه نجر ونّه ســویه

***

جاسم ثعلبی (حسّانی) 18/12/1391

تاریخ السواری  فی ادبیات الشعر

من تالیف جاسم ثعلبی حسّانی

قبیله من ربیعه و آل عدنان ، الساریه انبنه بنیانهه امطــــــرز

ما یسبی ابنهه لو تحوفه الحوت ، تهجم له اسود اترجعه امعزز

ابزمان الجاهلیه شعّت الانوار ، ابتحریر الفکر من العبودیــــــــــــــــــه

اهل دله او مضیف او گعده او فنجان ، اسباع الحومه اهل نخوه الساریه

اذکر عمر بن کلثوم شد اشعار ، ما یقسم قسم الّا باسم گومــــــه

ربیعه امعطره فی العلم و الایمان ، بیرقهه امعلگ جبل جیدومـه

رفضوا صلت الارحام مع کل قوم ، لاجل تعریبها ترجع سند مرســـــــــــوم

ما طخّوا الراس الکل غبی او مطرود ، ابن غیره او حمیه الساعته مضموم

فرشوا گاع عدوان الدهر بدموم ، یشهد هل قلم و اکتابه و الرایـــه

من نزلوا الحومه ما تشوف الروس ، بنوا جدران من روس العده ثایه

ابحجاز او نجد سکنت هالعشیره اسنین ، العراق المرکز البیت الفخر والزود

ملوک الارض تشهد بیهه کل ذی قار ، ابفتوحات الرسول النیشن الهه احـــدود

رجال الدین معتمده او تهز الکون ، اجنود الوگفت ابصولات ابوالحسنین

ابحروبه من معاویه جنود اویاه ، حرب الجمل شاهد وی حرب صفّیـــن

تجاسر حضها بحروب او شتات او سیل ، شد اعلامها و اتعنه ابن سعدون

ابمنطقة الفهود او سیرت للهور ، من غلت زلمها انوصل المضمـــــــــون

العلّه اعلی الضریبه او جمع مالیات ، ما قبلت الساریه تطخ الــــراس

انتقل قسمین للشطره و المهناوی ، الدیوانیه تشهد بل فخر والساس

ثالث قسم للهور الهویزه انحاز ، فی الشطره یسموهم بنی زیــدان

والمهناویه فتله گالت الکتّاب ، والهور السواری السکنته الفرسان

سکن خیگان واسماعیل و الحوّال ، العمیره والبوشامه سدت  الفیــــه

بلفهود العده ترکت مگاعد خیر ، اتّحدت علی الساری الفاره و الحیه

عدد بیت العشیره اتعده تسع ابیوت ، نصر واعواجه والناهی والذهیبات

النصیّر و السوالم و العریزه اتباع ، الشغانب وابو جولان السند واثبات

حمایل نصر مقسومه او رجال اغیار ، سبعة عشر بیت امطرز ابتدبیــــــر

فضیل امشالی صبی و الغوازی احفاد ، ابو عبد النبی والحشف والبو اخویر

المناصیر الجویبر و البریهی افحول ، عبد الله المطارده اسباع و اتسیّر

الخوین غدیر اعتیوی و البو جمال ، لویعی من نصر مرصاد دیرتنه

فرد روح ابجسد ممدود للعدوان ، نباشر للمحب نیشان خوتنه

اعواجه بخت للساری صفه او عنوان ، حمدان او گرف واسلیم و انفاضات

حسّان او فرج و الحجی والصنگور ، حسن وامعله او حیدر مع الدبـــــات

الدبوسی والثعالب والبو عثمان ، ال ادخین و احتیته او نبع شرهان

الذهیبات معدن او نبهان مع سبهان ، ضمد طلّاع و الحسون وامســلم

شیخ العلی ال حیّان ال ماضی ، علی او حافظ خلیفه اشخیتر ابن العم

الشغانبه اسباهی و انفاضی اولاد ناهی ، فی البصره سکنهم گصب وسط الهور

مضیف الیشهد الهم والتفگ والثار ، الیعادیهم یحشّون الگصب و الـــــــــــزور

السواری ال اعریزه حیهم اببغداد ، ریسهم ازغیر سید اخوانــــــــــه

فرحان الحسن سید عشیره او ریس ، او کاظم هل فهد شمعه ابدیوانه

عندی اخبار عن های العشیره اهوای ، منقوله ابکتب تاریخها امعــــــــدد

اقرا اکتاب تاریخ البشر و اتشوف ، ابحرب احسین و العباس شوف الرد

السواری من مناظر ساکنه الجولان ، البکور احمید جهمین او سواریها

العبدات و العالی المعیش افخاذ ، المسّه و الهلال  او یاس باجیــــــــــها

سکن بعض الاخوه فی نجف بغداد ، الدیوانیه و ابکرکوک وادیالـــــــــه

السماوه او کربلا  والبصره او ذی قار ، بلموصل کذلک تسکن ارجاله

فی العالم علمهم رفرف ابترحاب ، الحجاز او فی الاماره او مصر موجودین

فی الاردن او شام الحره و افلسطین ، ابخوزستان احسب کثره مشهودیــن

تاریخ العراق الکتب هل تحقیق ، استیفن هیلمسی الذکر بکتابـــــــــه

روایه فی الشعر جاسم هداهه ابکاس ، الحسّانی جعلها ذکره لنسابه

عفت بیت الاماره او ساندیت اهوای ، الساری العاشریته و افتخر صیتی

زحفت اویاه من طگ التفگ والدان ، تابعت الصدیق او هدّمت بیتـــــــــی

نسه الغیره الشلتهه او گابحیت اویاه ، الخیگانی نسّانی او هدّم  ابکوخه

من نهر الفرات البصره حد الهور ، طمس بلمی ابهوره او عبّر افروخه

الوفا وفیت بس باقی الذکر و احسان ، جزا الحسّان ما ینعد ابجمعیّـــه

تتحاشم اهلنه او ما تدیر البال ، لا باس المذله اسباع منســــــــــــــیه

جاسم ثعلبی (حسّانی ) 09/12/1391

صید الحبیب / شکارِ دوست  (فارسی و عربی)

جعلتک بلگلب بیبانک الشریـان

یا تنور حرّر گلبی ابنـــــــارک

جلبتک وفر جلمد بیتک البردان

عفت ادیار حبنه اتواعد ابثارک

***

ما قصّرت عمری اویاک ویل ابویل

بیّضت الوجه و اتنازلتلـــــک دوم

علت من واعدتنی او هاجمتنی ابلیل

ما عندک وفه لا عذر یا میشــوم

***

صبرت اسنین متحّمل وانه الخسـران

ادری فیک تتحایل اویه اضنونــــی

فدیت الروح واگلیبی یجر حسـرات

ملت ودیان ارضک دمعت اعیونی

***

یا ناعور فریت الفکر مگلـــــــــوب

ادور اعلی الرحاء او ما نعّم اطباعـــک

متی ترجع حبیب او تسکن ابهل کوخ

یرش مطرک علی واتچمّل اضباعـک

***

جوز امن العناده وانزل ابتدبیــــــــــر

ولک ملّیت عدیت النجوم ابلیـــــــل

گاعدلک سریر او ترفس اعلی احشـــای

انه حافی ابشوکه او راکب انت اکحــیل

***

غدرنی الما دراء گلبی هدیته ابکـاس

بوسه ابشفته ناولته بلوجنـــــــات

احبه او ما سکر بس سکّرانی الریح

ما اترک سحوره بالفجر هیهـــات

***

الوفه عدنه اصیل او ما نخون الجار

احفاد الفاله و المگوار ترچیــــــّه

اذا مسنه الظلام اندوی یومه ابنـار

او نغنّی ابکوخنه بطوار ابو ذیّـــه

***

هذول احنه ربات الدله والفنجان

استعد صیّادنه للسمچ بلفالـــه

ما ننصاد صادانه الزمان ابویـل

نرجع للبحر وانساند ارمالـــه

***

معنی:

دلم خانه و شریانم درِ تــــــــــو

مرا سرگرم کن با آتـــــش و دود

دلت برفک زده مهمان گریـــــان

کلامت شعله زد در قلبِ مـن زود

***

مقصّر نیست قلبم ناله کــــرده

چقدر ساده نشستم در کــنارت

چه بدبختی کشیدم وقت حملـه

شکارم کردی با طبعِ بهــارت

***

شکستی صبر دل بازنده ام مــــــن

همش با مکر دل بستی به چشمانم

فدای تو شدم با حصــــرت وآهم

چو سیلی گشت اشکِ نهرِ گریانم

***

چون گرداب چرخیدی دلم در جــــا

سنگِ آسیاب پیچیده رفتــــــــارت

کی می گردی در دل کاخ تو چشمام

دلم مدیونِ شبنم هـــــای گلزارت

***

تو سرسختی نکن آهسته بیـــدارم

شبی در آسمانت می نگارم نـــور

دلم تختت شده بر آن ســواری تو

پیاده روی خارت می کشـانی زور

***

فریبت خوردم و دل دادمت در جام

سه بوسه بر لبت جاری شده اشکم

زعطرِ تو دلم مست و تو دل خندان

سپیده در سحورت نم نم مشکــم

***

وفاداری درختِ سبزِ آویـــــــزان

چو گوشواره به گوشِ تیرِ میدانـــم

اگر شب ناله های بی هوس سر داد

به روزش آتشم ناخوانده مهمـانم

***

همانا من اسیر دله و فنـــــجان

ببین صیادِ دل با نیزه آمـــاده

شکارِ زورِ تیر غمگســـارش را

تو بحرِ دوستی آوایی سر داده

***

دله : ظرف قهوه خوری

دله بزرگ : گُم گُم می گویند

جاسم ثعلبی (حسّانی) 02/12/1391

صدیق الکنت اباریله ولا تـــــــاب (ما تعب)

ذهب و اتعده بزماطه و لا تاب ( مـا تراجع)

نصحته طوف درب الشر و لا تاب ( ما تاب)

ترکته اینوح متحمّل اذیــــــــــــــــــــــــه

***

ابطن هجرک عمه گلبی و لا شــاف ( ما شاف)

الجرح غمّگ من افراگک ولا شــــاف ( ما شفاء)

بکیت او راحن اعیونی و لا شاف ( شفه العین)

اصبحت مطلوب او یتهدد علیـــــــــــــــــــــــــه

***

خذانه السیل بهمومه و ردنه (رجعانه)

غرگنه ابروجه و اتشلّع وردنه ( وردنه)

خدم الگومه داعانه و ردنـــه ( رادانه)

شلع سبّاح گلبی او عم علیـــــــــه

***

صدیقی الکان بگلیبی کرهته ( ما حبیته)

او عند اصحاب دلالی کرهــــته ( کرّهته)

اذا بفعاله سل سیفه کرهته ( کر حتـه)

بعد ما ارید حتی ایمر علیــــــــــــــــــــه

***

وعد منّی اخذته تایب آنــــــــــه ( تبت)

گلبی اعلن ابحبک تایب آنه ( طیب آنه)

نصحنه الّی یحبنه تایب آنــه ( طیبانه)

اشکرهه اله حد المنــــــــــــــــــــیه

***

القرشه دمّرت گلبی مرضــــــــــــــــها ( مرض)

محب اسکن محاریهه او مرضها( ما ارضا منهه)

حد الموت مبریهه او مرضهه ( ما اراضیــــــهه)

عدوه اصبحت لخوانی و الیــــــــــــــــــــــــــه

***

صدیق الصادقیته اترید وکتـــــــــه ( زمانه)

اذا ما فاد بلصعبات و کتــــــــــــه ( طشره)

الحگ سره النشرته ابساع و کته ( اکتله)

طفی ناره لا تشعلهه بیـــــــــــــــــــــــه

***

ابو موسی تشهد له آلی یعرفونه

ینطر للعمام امشلعه اعیونــــــــه

اولاده او صدقته بلگلب یفدونــــه

خسران الناکر صولاتــــــــــــــــــه

***

موسی ثعلبی (حسّانی) 10/11/1391