عتاب یا شیر
عتاب یا شیر
یا شیر زید الفرح حالک مثل حالی
قاوم او اتی النصر سومه ابسعر غالی
فجر الصباح انکشف ضل جالس احذالی
والهاجماک ابقهر بسهامه یبرالی
***
یا شیر حبل الوصل لو ینقطع شده
لا تنتکل عالغرب کلمن یشد بنده
والفایز ابدنیته ذاک الوصل حده
طول الصماط ابنظرلو ما کمل مده
***
یا شیر عینک علی والدنیا خیر ابخیر
و ادعیک تشتل ورد لمن یطیر الطیر
شد شد حبال الدلو رایح یفوح البیر
صندوق مضمون الک متروس غیره او لیر
***
یا شیر دق الجرس و اهجم علی الخانوک
لا تقبل المصلحه ابکم مطرقه ضربوک
ایکبرون راسک کذب و ابسیفهم هانوک
ما شفت طول العمر باسهامهم مسّوک
***
لم لم عمامک ضخر لم الخلق سده
ارجوک طوف الزعل حبل الوصل مده
هذا العمر منکسر زودک کمل حده
مشوار بیت الزعل والعاتبک وده
***
یا شیر مل الگلب حسراته ترمی ابدان
وجت ولا تنطفی راویتک النیشان
یا ریت روحک تجی و اتشاهد الدفان
لو خیره یمطر سنه ما تنطفی النیران
***
یا شیر یمته الوعد یمته الشمال الهاب
دمرنه حر الغدر یمطر قهر تیزاب
وابهور سن الجبل کل السفن تنعاب
ما ینجه من اللهب لمن یهب دولاب
***
یا شیر عینک علی ردتک تواسینی
و الضیج هیّم علی یومک تنجینی
سیف النصر مبتشر هاجم او سلینی
کلّک شهامه او فخر ما ضنتی ناسینی
***
جاسم ثعلبی (الحسانی) 28/11/1394
08/05/1437
17/02/2016
موضوعات مرتبط با این مطلب :
برچسب ها: