لطمیه الله اویاک یولیدی
لطمیه الله اویاک یولیدی
الله اویاک یولیدی ، شیل الواک یولیدی
***
احچی اویاک تانینی ، آنه اویاک حاچینی
خذنی او روح دلینی، گلبی احتار موبیدی
***
امک حیل تعبانه ، و امن الضیم حزنانه
کلمن راح ما جانه ، اخاف اعلیک یچبیدی
***
الله اویاک سل سیفک ، رد الگوم من ضیفک
اروی النوم من طیفک ، ماکو مای واشبیدی
***
یولیدی الگلب مجروح ، دمه امن الجروح ایفوح
یمته الحزن منه ایروح ، متی یکمل شهر عیدی
***
شبل و امطرزه احروفک ، ابّطن المعرکه انشوفک
جمیل او ناسل ازلوفک ، یروحی امن البچی هیدی
***
یالاکبر یا بعد عینی ، او من غیرک یسلینی
انت سلوتی او دینی ، یدنیه ابلوعتچ زیدی
***
اموت اویاک واتقدم ، تشوف الروح واتحلم
ذکرت ارباک واتبسّم ، العهد ویاک ضل بیدی
***
جاسم ثعلبی (الحسانی) 01/12/1393
موضوعات مرتبط با این مطلب :
برچسب ها: لطمیه الله اویاک یولیدی
الله اویاک
الله اویاک
علی شجرة زمانی وکر لمّیت
تحملت القدر و اسنین لمّیت
عسا گلبی ابگبر هلیوم لمّیت
ولا اشوف الفراگ العم علـیه
***
اونن و اسچب العبرات ، و انت امعید احذالی
انه السکران بلفرگه ، تری اسمک علی بالی
تذکر بلصغر و انخاک ، تتمرحب لی یا غالــی
عفت وکر الربا و الطیب ، رضیت ابحرگ دلدلی
الله اویاک اود انساک ، لا ترجعلی للتالـــــی
***
الله اویاک فرحان ابدمع عینی
الله اویاک رحت او ما تعازینی
شنهی ذنبی ویاک ، و اتعذبت برباک
الجسد مجروح من هو الی یداوینی
الله اویاک فرحان ابدمع عینی
***
ولک جرحیت گلبی ابروحتک های
ولک سدیت درب الذاد و المــای
فرحان او عفتنی ، وابگلبی صبتنی
ما فکرت خجلان او تحاچینــی
الله اویاک فرحان ابدمع عینی
***
فرحان ابوجودک ، یلخاین وعودک
وین العهد وینه ، گلبی زاد دینه
شال او راح چا وینه الیبارینـــی
الله اویاک فرحان ابدمع عینی
***
شد احزام ظهرک یلعفتنی
اسهام اعدای ترمی او ما شفتنــــــی
گلبی انجرح و انعاب ، اتطشرتوا یلجباب
وحید اصبحت والصوره تسلینی
الله اویاک فرحان ابدمع عینی
***
روح او داعت الله الگلب ما طاب
ثگل همی علی من سدوا الباب
لتعاین علیه ، الگلب عندک هدیه
ادری بیک من اسنین ناسینی
الله اویاک فرحان ابدمع عینی
***
جاسم ثعلبی (حسّانی) 06/01/1392
موضوعات مرتبط با این مطلب :
برچسب ها: الله اویاک
لطمیه ودعتک الله اویاک
لطمیه ودعتک الله اویاک
ودعتک الله اویاک ، ودعتک الله اویاک ، یبنی لل منیه
والگلب ما ینساک ، والگلب ما ینساک ، متحمل اذیّــــــه
***
ودعتک او عینی تصب من فارگتنی ، ربیتک او شفتک چتل یبنی او خنتنی
یا امل یاملچا الگلب رحت او عفتنی ، من رادت الرب و الزمن و آنه اشبدیــــه
***
یا مهجتی یا عزّتی یا ضوه ابلیلی ، یا علی من یوم الرحت منهدم حیلــــــــــی
ما سکّنت عینی البچی یا دمعه سیلی ، اندفنت احلامی او عازتی بلغاضریه
***
فکّرت تکبر یلولد و اتباری امک ، ابطن الگلب یا ابو الوفه لو ردت اضمّک
نادینی یا یمه ابعتب چن ردت اکلمک ، ابذکرک اگلیبی منقمد صبح او مسیه
***
یا بدر یهلال الکبر یا نور العیون ، یا امل یا روح الستر یا سر الضنــــــون
انتم حیاتی او سهرتی انساکم اشلون ، متحمله افراگ الدهر غصبن علیه
***
ما ضل صبر عندی بعد وین انتچی وین ، وینک یبن حامی الحمی واعتب علی احسین
هذه حیاتی او قصّتی دهورنی البین ، بید الکفر سارت غدر روحی سبیّــــــــــــــــه
***
الراس جدّام الضعن شالته الاجناب ، او باقی جثثنه امطشره چا وین الاحباب
مسبیه اولاد النبی افتر یدولاب ، یا شیعی شاعد قصّتی و اقراء الهویـــــــه
***
ردتک تباری محملی یا علی وینک ، لجل النبی و المرتضی وفّیت دینک
اهجم علی اجموع الکفر الله الیعینک ، یبغی رسم ما ینمحی للجعفریـــه
***
خادم اهل البیت : جاسم محمد الجبیره الحسّانی الساری
جاسم ثعلبی (حسّانـــــــــــــــــــــی ) 02/09/1391
موضوعات مرتبط با این مطلب :
برچسب ها: لطمیه ودعتک الله اویاک