#لطمیّه یا علی بویه
#لطمیّه یا علی بویه
یا علـــــــی بویه لتروح او تخلّینی
یا علی بویه بعدک یگضن اسنینی
***
نورک ایشع بالامامه، صیتک ایشافی العلیل
صادق او حکمک عداله،اسمک الیحمی الدخیل
انرفع صوتک من نبینه،او بصمه من رب الجلیل
حبک ابگلبی رسمته،او دمعتی ابعینی
یا علـــــــی بویه لتروح او تخلّینی
یا علی بویه بعدک یگضن اسنینی
***
یا علی یا ابو المعالی،یا علیم الکل سئوال
انت کالدنیا او گمرها،تعرف الحل و الحلال
انت عالم انت بیرق،انت موصوف ابدلال
یا علی او دونک ذریر،او من یدلینی
یا علـــــــی بویه لتروح او تخلّینی
یا علی بویه بعدک یگضن اسنینی
***
مسجد الکوفه یداعی و الحزن هز الارکان
ابکربلاء او طیفک یناغی،ابگلبک الحب و الحنان
و العیون اتصب مخاطر،عبره مکتوبه ابزمان
یا علی او ضیف اعلی بابک، بویه حاچینی
یا علـــــــی بویه لتروح او تخلّینی
یا علی بویه بعدک یگضن اسنینی
***
یا مصیبه الدث جرحهه، او یا طریح المایعود
او یا ظلم کاتل حقایق،وصلت الگطع الزنود
انت والی للسعاده ،او بیتک اندگ بالحدود
تایه ابروج او زلالزل،یابه شافینی
یا علـــــــی بویه لتروح او تخلّینی
یا علی بویه بعدک یگضن اسنینی
***
وین ابو الغیره او حمیّه، او وینه حمّای الحمه
او وین ابو الماعنده والی ،او وینه سیفه او خاتمه
و الکفر ترست مگابر، و الجثث متلازمه
آه والمهدی تااخر،من یعازینی
یا علـــــــی بویه لتروح او تخلّینی
یا علی بویه بعدک یگضن اسنینی
***
ظلّت الکوفه تنادی، وینه نوره او شیمته
والیتیم ایحاچی امه،وین ابوی اوبسمته
تعتب الماعدهه والی،ما تنام او رادته
من نبع قطره اعلی قطره،ابدمه حنینی
یا علـــــــی بویه لتروح او تخلّینی
یا علی بویه بعدک یگضن اسنینی
***
الله یلعن کل خیانه،و الله یلعن کل لعین
ابن ملجم هز رسنهه، او گطّع اوصال الحنین
الثوره مطلوبه ابجهاده،او ثاره منصوب ابمعین
و الشهاده انجوم بزغت،بویه هنینی
یا علـــــــی بویه لتروح او تخلّینی
یا علی بویه بعدک یگضن اسنینی
***
شاعر اهل البیت:
جاسم ثعلبی (الحسّانی)
22/03/1396
بطلب من رادود اهل البیت عباس سلامی لی و لکم و له الاجر
موضوعات مرتبط با این مطلب :
برچسب ها: لطمی ه یا علی بویه
غزل یا علی
غزل یا علی
حبیت اشکثر و اشکثر ما حبیت
بس حبک یبو الایتام خبلنی
علی واسمک یضمد کل گلب مجروح
دریتک یا وفی ابشداتی تحضرنی
یا بیت السفینه یا حماة الدار
او یا روج البحر برموشه سهرنی
یا مندل ثقافه او یا اگماط اسرار
یا رهبه او خلافه ابنوره حررنی
بغی اسمک مثل مضروب بالتاریخ
عادل عالم ابمنشوده حیرنی
ابو الحسنین تستاهل گمر للناس
غیابک وارتحالک والله مرمرنی
ابن ملجم لعین و العن الوزاه
لان ساسه ردی واصله المدهورنی
علی ضربوه غفل وابمسجد او محراب
بس بینه الطبر ظاهر امعذبنی
خل ملجم وابنه یقتل اشما راد
او خله ابالف مسجد بیده یفجرنی
ندافع عالوطن و الامه و الایمان
المعادی الیا طریقه ایرید ینسبنی
القلم بیدی سلاحی و العلم مرفوع
اطهر کل شبر یخسه الیزامطنی
ادمر کل صنم یخسه الیحاربنی
جاسم ثعلبی (الحسانی) 17/04/1394
08/07/2015
موضوعات مرتبط با این مطلب :
برچسب ها: غزل یا علی
هویتک یا علی ( هات)
هویتک یا علی ( هات)
هویتک یا علی والدرب مسـدود
ابحلم گلبی الک طارش دفعته
انتظرته ایعود لاکن غیر اسلوب
ما هم بلجسد وایریدک انـته
***
جسمی ابلاگلب ظل هایج ابللیـــل
ترک نوم الصبح ساهر لگیتـــــه
یدور اعلی المخده ابذکرک ایطوف
یحومی ایرید لیک او هودّیتــــه
***
اندعیلی یا علی عد سید الکون
یزیل اهموم من ناسی البریـــه
القتل والکره دگ ارسومه بلعین
الزمان ارتکب بینه اکبر خطـیه
***
گلبی حبّک او یا نعم الاحبـاب
یا ثوب العرس یا محلا الاجواد
یا مرکب فرح یا خیر الاعمال
یا بیرق ستر یا سید الامجاد
***
یا زی العلم یا بیت الاغـــــــیار
انتباشر بیک دنیه او آخریــــــه
ابحضن ذاک الرسول اتکمّل ارباک
یا ورده او مزهره ابمزهریـــــه
***
ابیوم السفر نرجاء روحک اتعود
یهلال ا بسماء نوّر گلبـــــنه
الله والرسول ایبرّی الــذنوب
نریدک انته اتسهّل دربـــنه
***
مو خوف الذنوب او لا عتب لیــل
و لا خوف الکدر زاد ابونینــــی
احبّک من صغر یا احسن الناس
احسین ابکربلاء الکثّر حنینـی
***
و ابو فاضل بطل در الوفاء اویـــاه
اچفوفه اثنینهن داستهن الخـیل
العطش یبّس وریده او نادا یا گوم
فده روحه لخوته او هدّم الحیل
***
احفادک یا علی ما طخــوا الراس
ولا سلّم علمهم للیعـــــــادون
الحد آخر نفس و الدم جرا او سال
سگوا ارض الظلم بسمک ینادون
***
الف غصّه اسمعت ما هملت العین
و لا رف جفن عینی من بچیــهه
مثل غصّت احسین الداسته الخیل
فدوه الروح اجت غفله اشتریهه
***
شکتب بلشعر تیهـــت الاوزان
علی الطبروه غفل وکت العباده
اجاه متعنّی جد الگطّع الــراس
اندس ابلا فکر لجل الحســاده
***
رکع وکت السحور او ربه ناطور
انسگه محرابه من الدم علیـنه
اجتّه اهل الغدر تسفک بلدموم
عطاشه الدمه او طلبت ولینه
***
جاسم ثعلبی (حسّانی) 09/05/1392
موضوعات مرتبط با این مطلب :
برچسب ها: هویتک یا علی هات
نشید : یا علی
نشید : یا علی
علی علی علی علی یا علی ، ینجوم بفراح الوصی هلهلی
***
علی علی علی علی مراحب ، انت الوفی انت الولی ینایب
علی علی یا مبدع العجایب ، نجدهُ عوناً لنا فی الغــرائب
***
حب الرسول انت و ابگلبی آیه ، باسم الغدیر انثبتت الولایــه
شعّت انوارک فی السماء یثایه ، موجود بکتاب النبی روایه
***
محتفله اهلنه البشره للصحابه، اتنادی باسم آل النبی او کتابه
یوم الاغر یومک العز ییابه ، ما نسمع اشگال العدو ابعتابــــه
***
انت قمر انت هوا ابسمانه ، انت ضوا اسمک دوا او شفانــــه
مبروک یومک للحفل دعانه ، یاطیر غرّد نبذه من حنانـــه
***
انت الگلب للجسم و انت الولی ، ما یاجد ابدنیانه غیــــــرک علی
تتنخّه بسمک بلکلافه هلی ، ابیوم االنهایه اخلافکم من هو الی
***
جاسم محمد الجبیره الحسانی الساری
12/08/1391
موضوعات مرتبط با این مطلب :
برچسب ها: نشید یا علی
یا علی
یا علی
یا بدر شعّیت و اطردت الظـــــلام
لیش نورک غاب عنّه او ما یعـــود
محنه شیعه او ننتسب دین و سلام
او بلحکام انرسم حد النه او حدود
***
یا حیدر الکرار شد عزم الشعوب
کثرت الالام و ازداد القـــــــــــدر
ضاع حگ الناس و الشاهد یشـوف
ابعشگ حب احسین زودنه الفکـر
***
انشوف تهتز کل مدینه ابهل زمان
تخرج احفاد الامامه او تنتصــــــر
ساح دمع العین من دم یا امیــــر
ابحبکم احنه ابکل عزمنه نفتخـر
***
انتم احفاد الرساله والجهـــــــــــاد
رمز للمظلوم باتت ثورتــــــــــــه
احسین قدم روحه و اطفاله او هواه
ضحی بولاده و اخوته او قادتــــــه
***
انت صهر المصطفی واید الرسول
انت فاتح باب خیبر بلحـــــــوار
انت زمزیر الشجاعه و الحلـــول
ینتشع بیدک او سیفک ذوالفقار
***
یا شمال او نسّم ابگلب الحزیــن
ما نخاک المسلم او ما تنتخیــــه
ابو الحسنین ابجمالک و الحنین
حاضر الصعبات والحگ تشتریه
***
یا اسد یا حید یا حبی العتیـــــــق
ما نبیع الدین للماله وجـــــــــود
احنه عد عیناک یا ابو المرجلــه
انرسم حبکم بلگلب ماله حدود
***
جاسم محمد الجبیره الحسانی الساری
28/07/1391
موضوعات مرتبط با این مطلب :
برچسب ها: یا علی